Mukhtar Ansari Dies: യുപി മുൻ എംപിയും ഗുണ്ടാത്തലവനുമായ മുഖ്താർ അൻസാരി തടവിലിരിക്കെ അന്തരിച്ചു; പോസ്റ്റുമോർട്ടം ഇന്ന്

ലഖ്‌നൗ: ഗുണ്ടാത്തലവനും ഉത്തര്‍പ്രദേശിലെ മുന്‍ എംഎല്‍എയുമായ മുഖ്താര്‍ അന്‍സാരി അന്തരിച്ചു. ഉത്തര്‍പ്രദേശിലെ മൗവില്‍ നിന്ന് അഞ്ച് തവണ എംഎല്‍എ ആയിട്ടുള്ള അദ്ദേഹം 2005 മുതൽ ജയിലിലായിരുന്നു. 

യുപി ബാന്ദ്ര ജയിലിലായിരുന്ന മുഖ്താർ അൻസാരിയെ ഹൃദയാഘാതത്തെ തുടർന്ന് ആശുപത്രിയിൽ പ്രവേശിപ്പിച്ചിരുന്നുവെങ്കിലും മരണം സംഭവിക്കുകയായിരുന്നു. ഇന്നലെ രാത്രി 8:35 ഓഡി റാണി ദുർഗവതി മെഡിക്കൽ കോളേജിൽ വച്ചായിരുന്നു അന്ത്യമെന്ന് അധികൃതർ അറിയിച്ചു. 

കോൺഗ്രസ് നേതാവിനെ അടക്കം കൊലപ്പെടുത്തിയ കേസിലെ പ്രതിയാണ് മുഖ്താർ അൻസാരി.  മുഖ്താർ അൻസാരിയുടെ മരണത്തെ തുടർന്ന് ഉത്തർപ്രദേശിൽ സുരക്ഷ വർധിപ്പിക്കുകയും നിരോധനാജ്ഞ പ്രഖ്യാപിക്കുകയും ചെയ്തിട്ടുണ്ട്.  മുഖ്താർ അൻസാരിയുടെ മൃതദേഹം പോസ്റ്റുമോർട്ടത്തിന് ശേഷം ഇന്ന്  ബന്ധുക്കൾക്ക് വിട്ടുകൊടുക്കും. ഇതിനിടയിൽ മുഖ്താർ അൻസാരിയെ വിഷം നൽകി കൊലപ്പെടുത്തിയെന്ന ആരോപണവുമായി മകൻ ഉമർ അൻസാരി രംഗത്തെത്തിയിട്ടുണ്ട്.