Jammu-Kashmir Encounter: രജൗറി ഏറ്റുമുട്ടലിൽ 2 സൈനികർക്ക് വീരമൃത്യു, 3 പേര്‍ക്ക് പരിക്ക്

Jammu-Kashmir Encounter: ജമ്മു കശ്മീരിലെ രജൗറിയിലെ ബാജി മാളിലെ വനമേഖലയിൽ സൈനികരും ഭീകരരും തമ്മിലുണ്ടായ അതി രൂക്ഷമായ ഏറ്റുമുട്ടലില്‍  2 സൈനികർക്ക് വീരമൃത്യു. 3 ഭീകരരെ പിടികൂടാനായി നടത്തിയ ശ്രമത്തിലാണ് 2 സൈനികർക്ക് ജീവന്‍ നഷ്ടപ്പെട്ടത്. 

വനത്തിൽ ഭീകരർ നുഴഞ്ഞുകയറിയതായി രഹസ്യവിവരം ലഭിച്ചതിനെ തുടർന്ന് സൈന്യത്തിന്‍റെയും പോലീസിന്‍റെയും പ്രത്യേക സേനയും സംയുക്ത ഓപ്പറേഷൻ ആരംഭിച്ചു. സ്ഥലത്ത് ഇരുഭാഗത്തുനിന്നും വെടിവയ്പ്പ് നടക്കുകയാണ് എന്നാണ് റിപ്പോര്‍ട്ട്. ഇതുവരെ ലഭിച്ച വിവരമനുസരിച്ച് ഏറ്റുമുട്ടലിൽ 2 സൈനികർ വീരമൃത്യു വരിച്ചു. ഭീകരർ നടത്തിയ വെടിവെപ്പില്‍ മൂന്ന് സൈനികർക്ക് പരിക്കേറ്റു. 

രജൗറിയിലെ കലകോട്ട് മേഖലയിൽ സുരക്ഷാ സേന മൂന്ന് ഭീകരരെ വളഞ്ഞിരിയ്ക്കുകയാണ് എന്ന് പോലീസ് അറിയിച്ചു. 

കഴിഞ്ഞ കുറച്ച് വർഷങ്ങളായി ജമ്മു കശ്മീരിലെ പിർ പഞ്ചൽ വനത്തിൽ നിരവധി ഏറ്റുമുട്ടലുകൾ നടന്നിട്ടുണ്ട്. ഈ പ്രദേശം മുഴുവൻ എന്നും സൈന്യത്തിന് ഒരു വെല്ലുവിളിയാണ്. ഇവിടുത്തെ നിബിഡവനങ്ങളിൽ തീവ്രവാദികളുടെ ഒളിത്താവളങ്ങൾ ഏറെയാണ്. തീവ്രവാദികൾക്ക് പറ്റിയ താവളമാണ് ഈ വനങ്ങള്‍. ഉയര്‍ന്ന  പർവതങ്ങളും ഇടതൂർന്ന വനങ്ങളും ആൽപൈൻ വനങ്ങളും തീവ്രവാദികൾ മുതലെടുക്കുന്നു. കഴിഞ്ഞയാഴ്ച രജൗറിയിൽ സുരക്ഷാസേനയുമായുള്ള ഏറ്റുമുട്ടലിൽ ഒരു ഭീകരൻ കൊല്ലപ്പെട്ടിരുന്നു.