Jammu & Kashmir : പഞ്ചാബിന് പിന്നാലെ കശ്മീരും, സ്‌കൂളുകള്‍ക്ക് വീരമൃത്യുവരിച്ച സൈനികരുടെ പേര് നല്‍കും

ശ്രീനഗർ : രാജ്യത്തിനായി രക്തസാക്ഷിത്വം വഹിച്ചവർക്കുള്ള ആദരസൂചകമായി ജമ്മു കശ്മീരിലെ (Jammu & Kashmir) എല്ലാ സർക്കാർ സ്കൂളുകൾക്കും വീരമൃത്യു (Martyred ) വരിച്ച സൈനികർ, പൊലീസ് ഉദ്യോഗസ്ഥർ, CRPF ജവാന്മാര്‍ എന്നിവരുടെ പേരുകൾ നൽകാൻ തീരുമാനം.

ഇതുമായി ബന്ധപ്പെട്ട് ജമ്മു, ദോഡ, റിയാസി, പൂഞ്ച്, രജൗരി, കതുവ, സാംബ, റമ്പാൻ, കിഷ്‌ത്വാർ, ഉധംപൂർ ജില്ലകളിലെ ഡെപ്യൂട്ടി കമ്മീഷണർമാർക്ക് ഡിവിഷണൽ കമ്മീഷണർ കത്തെഴുതി. രക്തസാക്ഷികളുടെ പേരുകൾ നൽകാൻ സാധിക്കുന്ന സർക്കാർ സ്കൂളുകൾ കണ്ടെത്താൻ നിർദേശിച്ച് കൊണ്ടാണ് കത്തയച്ചിരിക്കുന്നത്. 

വിവര ശേഖരണത്തിനായി തദ്ദേശ സ്വയംഭരണ സ്ഥാപനങ്ങളോട് ജില്ലാതലത്തിൽ ഒരു സമിതി രൂപീകരിക്കാൻ ജമ്മു കശ്മീർ സർക്കാർ ആവശ്യപ്പെട്ടിട്ടുണ്ട്. ഇന്ത്യൻ ആർമിയുടെ പ്രതിനിധികൾ, SSP, ADC, DPO എന്നിവരാകും സമിതിയിൽ ഉൾപ്പെടുക. 

പഞ്ചാബ് സർക്കാരും ഇത്തരത്തിൽ വിവിധ സ്കൂളുകളുടെ പേരുകൾ മാറ്റിയിരുന്നു. പതിനാലിലേറെ സ്കൂളുകളുടെ പേരുകൾ മാറ്റാൻ തീരുമാനിച്ചതായി സർക്കാർ നേരത്തെ അറിയിച്ചിരുന്നു. 

17 സ്കൂളുകളുടെ പേരുകളാണ് ഇത്തരത്തിൽ മാറ്റിയത്. സ്വാതന്ത്ര്യ സമര സേനാനികളും മറ്റ് പ്രമുഖ വ്യക്തികളും രാജ്യത്തിന് വേണ്ടി സഹിച്ച ത്യാഗങ്ങളും, അവർ നൽ‍കിയ സംഭാവനകളും പരിഗണിച്ചാണ് അവരുടെ പേരുകൾ സ്കൂളുകൾക്ക് നൽകാൻ പഞ്ചാബ് സർക്കാർ തീരുമാനിച്ചത്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA

ios Link - https://apple.co/3hEw2hy