PNB Update: സേവിംഗ്സ് അക്കൗണ്ട് പലിശ നിരക്ക് വെട്ടിക്കുറച്ച് പിഎന്‍ബി, ഏറ്റവും പുതിയ നിരക്കുകൾ അറിയാം

PNB Update: സെവിംഗ്സ് അക്കൗണ്ട് പലിശ നിരക്ക് കുറയ്ക്കുന്നതായി പ്രഖ്യാപിച്ച് പഞ്ചാബ് നാഷണൽ ബാങ്ക് (PNB). 2022 ഏപ്രിൽ 4 മുതൽ പുതിയ നിരക്കുകൾ  പ്രാബല്യത്തിൽ വരും.   ലക്ഷക്കണക്കിന് പിഎൻബി നിക്ഷേപകരെ ഇത് ബാധിക്കും

പിഎന്‍ബിയുടെ ( PNB) ഔദ്യോഗിക വെബ്സൈറ്റ് അനുസരിച്ച്, 10 ലക്ഷം രൂപയിൽ താഴെ ബാലൻസ് ഉള്ള അക്കൗണ്ടുകൾക്ക് PNB പ്രതിവർഷം 2.7% പലിശ നിരക്ക് നൽകും . ഇതോടൊപ്പം, 10 ലക്ഷം രൂപയിൽ കൂടുതൽ ബാലൻസ് ഉള്ളതും എന്നാൽ 500 കോടിയിൽ താഴെയുള്ളതുമായ അക്കൗണ്ടുകൾക്ക് 2.75%  പലിശയായിരിയ്ക്കും നല്‍കുക.

2022 ഏപ്രിൽ 4 മുതൽ പ്രാബല്യത്തിൽ വരുന്ന പുതിയ നിരക്കുകൾ ലക്ഷക്കണക്കിന് പിഎൻബി നിക്ഷേപകരെ ബാധിക്കും. സ്റ്റേറ്റ് ബാങ്ക് ഓഫ് ഇന്ത്യയ്ക്ക്ശേഷം ഇന്ത്യയിലെ രണ്ടാമത്തെ വലിയ പൊതുമേഖലാ ബാങ്കാണ് പിഎന്‍ബി. 

ഫെബ്രുവരി മുതൽ ബാങ്ക് സേവിംഗ്സ് അക്കൗണ്ട് പലിശ നിരക്ക് 0.5% കുറച്ചിട്ടുണ്ട്.  ഫെബ്രുവരിയിൽ, 10 ലക്ഷം രൂപയുള്ള അക്കൗണ്ടുകൾക്ക് 2.75 ശതമാനമായിരുന്നു പലിശ നിരക്ക്. 10 ലക്ഷം രൂപയും 500 കോടിയിൽ താഴെയും ഉള്ള അക്കൗണ്ടുകൾക്ക് 2.8 ശതമാനവുമായിരുന്നു പലിശ.