ഉത്തർപ്രദേശിൽ ഇലക്ട്രിക് ബസ് യാത്രക്കാർക്കിടയിലേക്ക് പാഞ്ഞുകയറി 6 മരണം; 9 പേർക്ക് പരിക്ക്
Kanpur Accident: ഘണ്ടഘറിൽ നിന്നും ടാറ്റ്മില്ലിലേക്ക് പോവുകയായിരുന്നു ഇലക്ട്രിക് ബസ് നിയന്ത്രണം വിട്ട് വഴിയാത്രക്കാരിലേക്ക് പാഞ്ഞു കയറുകയായിരുന്നു.
Kanpur Accident: ഉത്തർപ്രദേശിലെ (Uttar Pradesh) കാൺപൂരിൽ (Kanpur) നിയന്ത്രണം വിട്ട ഇലക്ട്രിക് ബസ് വഴിയാത്രക്കാരെ ഇടിച്ചു വീഴ്ത്തി. അപകടത്തിൽ 6 പേർ മരിക്കുകയും 9 പേർക്ക് പരിക്കേൽക്കുകയും ചെയ്തിട്ടുണ്ട്. പരിക്കേറ്റവരെ സ്വകാര്യ ആശുപത്രിയിൽ പ്രവേശിപ്പിച്ചിട്ടുണ്ട്. ടാറ്റ്മിൽ ക്രോസ്റോഡിന് സമീപമാണ് അപകടമുണ്ടായത്.
അപകടത്തിൽ 3 കാറുകളും നിരവധി ബൈക്കുകളും തകർന്നു. ഒടുവിൽ ഒരു ട്രാക്കിൽ ഇടിച്ചാണ് ബസ് നിന്നത്. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്. സംഭവം നടന്ന ശേഷം ബസ് ഡ്രൈവർ ഓടി രക്ഷപെട്ടെന്ന് കാൺപൂർ പോലീസ് ഡെപ്യൂട്ടി കമ്മീഷണർ പ്രമോദ് കുമാർ പറഞ്ഞു.
Also Read: Road Accident: ബംഗളൂരുവിൽ വാഹനാപകടം; മലയാളികളടക്കം 4 പേർ മരിച്ചു
കാൺപൂരിലുണ്ടായ അപകടത്തിൽ രാഷ്‌ട്രപതി രാംനാഥ് കോവിന്ദ്, കോൺഗ്രസ് ദേശീയ ജനറൽ സെക്രട്ടറി പ്രിയങ്ക ഗാന്ധി വദ്ര എന്നിവർ ദുഃഖം രേഖപ്പെടുത്തി.
സംഭവത്തെത്തുടർന്ന് ഈസ്റ്റ് കാൺപൂർ ഡിസിപിയുടെ നേതൃത്വത്തിലുള്ള സംഘം അവിടെയെത്തുകയും അപകടത്തിൽപ്പെട്ട വാഹനങ്ങൾ ക്രെയിൻ ഉപയോഗിച്ച് നീക്കം ചെയ്യുകയും ചെയ്തു. അപകടത്തിൽ പരിക്കേറ്റ് ആശുപത്രിയിൽ കഴിയുന്ന 3 പേരുടെ നില ഗുരുതരമാണ്. അപകടകാരണം വ്യക്തമല്ല.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...