Tauktae cyclone: ഗുജറാത്തില്‍ 45 മരണം, 1000 കോടി രൂപ ദുരിതാശ്വാസ സഹായം പ്രഖ്യാപിച്ച്‌ കേന്ദ്രം

Ahmedabad: ഗുജറാത്തില്‍  ദുരന്തം വിതച്ച് Tauktae ചുഴലിക്കാറ്റ്,  സംസ്ഥാനത്ത് ഇതുവരെ ചുഴലിക്കാറ്റില്‍ മരിച്ചവരുടെ എണ്ണം  45  ആയി..

ഗു​ജ​റാ​ത്തിലെ 12 ജി​ല്ല​കളാണ്  ദുരന്തം നേരിടുന്നത്.   സൗ​രാ​ഷ്​​ട്ര​യി​ലെ അം​റേ​ലി ജി​ല്ല​യി​ല്‍  15  പേര്‍ മരിച്ചതായാണ് റിപ്പോര്‍ട്ട്.  എ​ട്ടു​പേ​ര്‍ ഭാ​വ്​​ന​ഗ​ര്‍, ഗി​ര്‍ സോം​നാ​ഥ്​ എ​ന്നി​വി​ട​ങ്ങ​ളി​ലാ​യി മ​രി​ച്ചു.

ഗു​ജ​റാ​ത്തി​ലെ​യും അ​നു​ബ​ന്ധ​മാ​യി കി​ട​ക്കു​ന്ന കേ​ന്ദ്ര ഭ​ര​ണ പ്ര​ദേ​ശ​മാ​യ ദി​യു​വി​ലെ​യും ടൗ​​ട്ടെ ചുഴലിക്കാറ്റ് (Tauktae cyclone)   ബാ​ധി​ത മേ​ഖ​ല​ക​ളി​ല്‍ പ്ര​ധാ​ന​മ​ന്ത്രി ന​രേ​ന്ദ്രമോ​ദി ഹെ​ലി​കോ​പ്​​ട​റി​ല്‍ ആ​കാ​ശ വീ​ക്ഷ​ണം ന​ട​ത്തി. ഗു​ജ​റാ​ത്തി​ലെ ഭാ​വ്​​ന​ഗ​ര്‍, ഗി​ര്‍ സോം​നാ​ഥ്, അം​റേ​ലി ജി​ല്ല​ക​ളി​ലും ദി​യു​വി​ലു​മാ​ണ്​ നി​രീ​ക്ഷ​ണം ന​ട​ത്തി​യ​ത്. 

ആ​കാ​ശ വീ​ക്ഷ​ണത്തിനുശേ​ഷം അഹമ്മദാബാദില്‍  അ​വ​ലോ​ക​ന യോ​ഗം വി​ളി​ച്ചുചേര്‍ത്തിരുന്നു.  ഗു​ജ​റാ​ത്തി​ന്​ അ​ടി​യ​ന്ത​ര സ​ഹാ​യമായി  1000 കോ​ടി രൂപയും പ്രധാനമന്ത്രി പ്ര​ഖ്യാ​പി​ച്ചു. കൂടാതെ, പ്ര​കൃ​തി ദു​ര​ന്ത​ത്തി​ല്‍ മ​രി​ച്ച​വ​രു​ടെ ബ​ന്ധു​ക്ക​ള്‍​ക്ക്​ ര​ണ്ടു​ ല​ക്ഷ​വും പ​രി​ക്കേ​റ്റ​വ​ര്‍​ക്ക്​ 50,000 രൂ​പ​യും പ്ര​ഖ്യാ​പി​ച്ചി​ട്ടു​ണ്ട്.

ചുഴലിക്കാറ്റ് നാശം വിതച്ച സംസ്ഥാനങ്ങളില്‍ നഷ്ടങ്ങളുടെ കണക്കുകള്‍ കേന്ദ്രത്തിലേക്ക് അയച്ചാലുടന്‍ അടിയന്തര സാമ്പത്തിക  സഹായം നല്‍കുമെന്നും  പ്രധാനമന്ത്രി  യോഗത്തില്‍ വ്യക്തമാക്കി. നാശനഷ്ടങ്ങളുടെ വ്യാപ്തി കണക്കാക്കാന്‍ കേന്ദ്രസര്‍ക്കാര്‍ സംഘത്തെ വിന്യസിക്കും. ഇതിന്‍റെ അടിസ്ഥാനത്തില്‍ കൂടുതല്‍ സഹായം നല്‍കുമെന്നും പ്രധാനമന്ത്രി അറിയിച്ചു. കേന്ദ്രം ദുരിതബാധിത സംസ്ഥാനങ്ങളിലെ സര്‍ക്കാരുകളുമായി ചേര്‍ന്ന് പ്രവര്‍ത്തിക്കുന്നുണ്ടെന്നും പ്രധാനമന്ത്രി പറഞ്ഞു.

കേരളം, മഹാരാഷ്ട്ര , ഗുജറാത്ത് എന്നീ സംസ്ഥാനങ്ങളില്‍ കനത്ത നാശമാണ് Tauktae ചുഴലിക്കാറ്റ്  വരുത്തിയിരിയ്ക്കുന്നത്. 

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA

ios Link - https://apple.co/3hEw2hy