Income Tax on Farmers: സമ്പന്ന കർഷകർക്ക് ആദായനികുതി ചുമത്താനൊരുങ്ങി കേന്ദ്ര സർക്കാർ!!

Reserve Bank of India MPC: രാജ്യത്തെ കര്‍ഷകരെ സംബന്ധിക്കുന്ന ഒരു വലിയ വാര്‍ത്തയുടെ സൂചനകള്‍ പുറത്ത്.  നികുതി സമ്പ്രദായത്തിൽ സുതാര്യത കൊണ്ടുവരാൻ, സമ്പന്ന കർഷകർക്ക് ആദായനികുതി ചുമത്താൻ കേന്ദ്ര സർക്കാരിന് പദ്ധതിയിടുന്നതായി സൂചന.  

റിസർവ് ബാങ്ക് ഓഫ് ഇന്ത്യയുടെ (RBI) മോണിറ്ററി പോളിസി കമ്മിറ്റി (MPC) അംഗമാണ്  ഇത് സംബന്ധിച്ച സൂചനകള്‍ നല്‍കിയത്.  പാവപ്പെട്ട കർഷകരുടെ അക്കൗണ്ടിലേക്ക് പണം അയച്ച് സർക്കാർ അവരെ പരിപാലിക്കുകയാണെന്ന് എംപിസി അംഗം ആഷിമ ഗോയൽ പറഞ്ഞു. PM Kisanയോജനയിലൂടെ രാജ്യത്തെ പാവപ്പെട്ട കര്‍ഷകര്‍ക്ക് വര്‍ഷം തോറും 6000 രൂപയുടെ ധനസഹായമാണ് കേന്ദ്ര സര്‍ക്കാര്‍ നല്‍കിവരുന്നത്. 

അതേസമയം, നികുതി സമ്പ്രദായത്തിൽ സുതാര്യത കൊണ്ടുവരാൻ, സമ്പന്ന കർഷകർക്ക് ആദായനികുതി ചുമത്താൻ സർക്കാര്‍ പദ്ധതിയിടാന്‍ ഒരുങ്ങുകയാണ്.  രാജ്യത്തെ ചില സംസ്ഥാനങ്ങളില്‍ അതായത്, പഞ്ചാബ്‌, ഹരിയാന എന്നിവിടങ്ങളില്‍ സമ്പന്നരായ കർഷകരെ ആദായനികുതിയുടെ പരിധിയിൽ കൊണ്ടുവരണമെന്ന ആവശ്യം മുന്‍പും ഉന്നയിക്കപ്പെട്ടിട്ടുണ്ട്. 

കുറഞ്ഞ നികുതി നിരക്കുകളും ഇളവുകളുമുള്ള ഡാറ്റാ സമ്പന്നമായ സംവിധാനത്തിലേക്കുള്ള നീക്കത്തിന്‍റെ ഭാഗമായി രാജ്യത്തെ സമ്പന്നരായ കര്‍ഷകരെ ആദായ നികുതിയുടെ പരിധിയില്‍ കൊണ്ടുവരാന്‍ ചര്‍ച്ചകള്‍ നടക്കുകയാണ്.  ഇന്ത്യയിലെ കാർഷിക വരുമാനത്തിന്മേൽ നികുതി ചുമത്തുന്നതിനെക്കുറിച്ചുള്ള ചോദ്യത്തിന് മറുപടി പറയവെയാണ് അവര്‍ ഇക്കാര്യം വ്യക്തമാക്കിയത്.