Uttarakhand Rescue: അടുത്തെത്താൻ ഇനി നിമിഷങ്ങൾ കൂടി..! വൈകുന്നേരത്തോടെ തൊഴിലാളികളെ പുറത്തെത്തിക്കും

ഉത്തരകാശിയിലെ സില്‍ക്യാര ടണലിൽ കുടുങ്ങിയ തൊഴിലാളികളെ പുറത്തെത്തിക്കാനുള്ള രക്ഷാദൗത്യം വിജയത്തിനരികെ.തൊഴിലാളികളെ വൈകിട്ടോടെ പുറത്തെത്തിക്കാന്‍ കഴിയുമെന്ന്  ടണലില്‍ കുടുങ്ങിയ എന്‍ഡിആര്‍എഫ് മേധാവി പറഞ്ഞു. ഇതിനായി അവസാന രക്ഷാകുഴല്‍ കടത്താനുള്ള ഡ്രില്ലിങ് പുരോഗമിക്കുകയാണ്. ചിലപ്പോള്‍ ഒന്നിലധികം രക്ഷാകുഴലുകള്‍ ഇനിയും സ്ഥാപിക്കേണ്ടിവന്നേക്കാം.

ഇത് പന്ത്രണ്ടാം ദിവസമാണ് ഉത്തരകാശിയിലെ സില്‍ക്യാര ടണലിൽ തൊഴിലാളികൾ കുടുങ്ങിയത്. കൂറ്റന്‍ ആഗര്‍യന്ത്രങ്ങളുടെ സഹായത്തോടെയാണ് തുരങ്കം തുളയ്ക്കുന്നത്. രക്ഷാപ്രവർത്തനത്തിന് പ്ലാൻ എയും ബിയും സിയും ഒക്കെ നോക്കിയിട്ടും ഒന്നും ഫലവത്തായിരുന്നില്ല. തുരങ്കമുഖത്ത് അടിഞ്ഞുകൂടിയ സിമന്റും ഉൾപ്പെടെയുള്ള അവശിഷ്ടങ്ങൾ അത്യാധുനിക ഉപകരണങ്ങളോടെ മാറ്റാമെന്ന പ്ലാൻ എ ദുഷ്കരമായതാണ് ഇതിനു കാരണം. അതിനിടെ കൈയ്യിലുണ്ടായിരുന്ന ഡ്രില്ലിങ് മെഷീനിന്റെ ബ്ലേഡുകൾ കൂറ്റൻ സിമന്റ് കട്ടകളിൽ തട്ടി പ്രവർത്തനരഹിതമാവുകയും ചെയ്തിരുന്നു. ഉണങ്ങിയ പഴങ്ങളും വെള്ളവും വൈറ്റമിൻ ഗുളികളും മറ്റൊരു പൈപ്പ് വഴി തൊഴിലാളികൾക്ക് എത്തിക്കുന്നുണ്ട്.