Viral video: ഇനി കുറച്ച് നേരം റെയിൽവേ ട്രാക്കിൽ നീന്തിത്തുടിക്കാം... വൈറലായി `ട്രാക്കിലെ മീനുകൾ`

മുംബൈ: തുടർച്ചയായി മഴ പെയ്യുന്നത് മുംബൈയിൽ ജനജീവിതം ദുസ്സഹമാക്കിയിരിക്കുകയാണ്. തിങ്കളാഴ്ച രാവിലെ വരെ 24 മണിക്കൂറിനുള്ളിൽ ന​ഗരത്തിൽ 300 മില്ലി ലിറ്ററിൽ അധികം മഴയാണ് ലഭിച്ചത്. ഇത് സീസണിലെ അതിശക്തമായ മഴയെ വ്യക്തമാക്കുന്ന കണക്കാണ്. ഞായറാഴ്ച രാത്രിയോടെ ആരംഭിച്ച മഴ തിങ്കളാഴ്ച പുലർച്ചെയോടെ ശക്തമായി.

തിങ്കളാഴ്ച രാവിലെ 8.25 വരെ 24 മണിക്കൂറിനുള്ളിലുള്ള കണക്ക് അനുസരിച്ച് 268 മില്ലി മീറ്റർ മഴയാണ് ലഭിച്ചത്. 2019ന് ശേഷം ജൂലൈയിലെ ഏറ്റവും ഉയർന്ന ഒരു ദിവസത്തെ മഴയാണിത്. ശക്തമായ മഴ മുംബൈയിലെ ജനങ്ങളുടെ ജീവിതം ദുരിതത്തിലാക്കിയതിന് പിന്നാലെ നിരവധി ട്രോളുകളും മീമുകളുമാണ് സോഷ്യൽ മീഡിയയിൽ പ്രചരിക്കുന്നത്.

ഇതിനിടെ റെയിൽവേ ട്രാക്കുകളിൽ മീനുകൾ നീന്തുന്ന വീഡിയോയും വൈറലായിരിക്കുകയാണ്. ട്രാക്കിനുള്ളിൽ രണ്ട് മത്സ്യങ്ങൾ നീന്തിത്തുടിക്കുന്നത് വീഡിയോയിൽ കാണാം. ഇതിന് പിന്നാലെ രണ്ട് മത്സ്യങ്ങളെയും കൂടി കാണാൻ സാധിക്കും. റെയിൽവേ സ്റ്റേഷനിൽ നിൽക്കുന്ന ആളുകൾ ഇതിന്റെ വീഡിയോയും ചിത്രങ്ങളും പകർത്തുന്നതും കാണാം.

ഇത് ഇന്ത്യൻ റെയിൽവേയ്സ് അല്ല ഇന്ത്യൻ വാട്ടർവേയ്സ് ആണെന്നാണ് ഒരാൾ കമന്റ് ചെയ്തിരിക്കുന്നത്. മീനുകൾ പ്രതീക്ഷിക്കാത്ത ലൊക്കേഷനിൽ എത്തിയത് ആസ്വദിക്കുകയാണെന്നും റെയിൽേ ട്രാക്കിലെ ഫിഷ് ടാങ്ക് എന്നൊക്കെയുമാണ് സോഷ്യൽ മീഡിയ ഉപയോക്താക്കൾ വീഡിയോക്ക് പ്രതികരണവുമായി എത്തിയിരിക്കുന്നത്.