Road Accident: തൃശൂരിൽ ഓട്ടോ ടാക്‌സിയും ആംബുലൻസും കൂട്ടിയിടിച്ച് ഒരു മരണം; 3 പേർക്ക് പരിക്ക്
Accident In Thrissur: ന്നര വയസുകാരനായ കുട്ടിയേയും കൊണ്ട് ആശുപത്രിയില്‍ പോയശേഷം വീട്ടിലേക്ക് മടങ്ങിയ കുടുംബം സഞ്ചരിച്ച ഓട്ടോ ടാക്‌സിയാണ് അപകടത്തില്‍പ്പെട്ടത്.
തൃശ്ശൂര്‍: ആംബുലന്‍സും ഓട്ടോ ടാക്‌സിയും കൂട്ടിയിടിച്ചുണ്ടായ അപകടത്തിൽ ഒരാള്‍ മരിച്ചു. ഓട്ടോ ടാക്‌സി ഓടിച്ച ചളിങ്ങാട് സ്വദേശി ജിത്തുവാണ് മരിച്ചത്. ജിത്തുവിന്റെ ഭാര്യ നീതു, കുട്ടി, നീതുവിന്റെ അച്ഛന്‍ എന്നിവരെ ഗുരുതര പരിക്കുകളോടെ ആശുപത്രിയില്‍ പ്രവേശിപ്പിച്ചിട്ടുണ്ട്.
Also Read: മലപ്പുറത്ത് ബസ്സും ബൈക്കും കൂട്ടിയിടിച്ചു; രണ്ടുപേര്‍ക്ക് ദാരുണാന്ത്യം
അപകടമുണ്ടായത് പുലര്‍ച്ചെ രണ്ടു മണിയോടെയായിരുന്നു. മൂന്നര വയസുകാരനായ കുട്ടിയേയും കൊണ്ട് ആശുപത്രിയില്‍ പോയശേഷം വീട്ടിലേക്ക് മടങ്ങിയ കുടുംബം സഞ്ചരിച്ച ഓട്ടോ ടാക്‌സിയാണ് അപകടത്തില്‍പ്പെട്ടത്. രോഗിയുമായി തൃശ്ശൂര്‍ ഭാഗത്തേക്കുപോകുകയായിരുന്ന ആംബുലന്‍സ് ഓട്ടോ ടാക്‌സിയില്‍ ഇടിക്കുകയായിരുന്നു.
Also Read: Jupiter Favorite Zodiac Sign: ഇവർ വ്യാഴത്തിന്റെ പ്രിയ രാശികൾ, നിങ്ങളും ഉണ്ടോ?
അപകടത്തെ തുടർന്ന് ഓട്ടോ ടാക്‌സി ഓടിച്ചിരുന്ന ജിത്തു അപകടസ്ഥലത്തു വച്ചുതന്നെ മരിച്ചു. തൃശ്ശൂരിലെ സ്വകാര്യ മെഡിക്കല്‍ കോളേജിലാണ് ജിത്തുവിന്റെ ഭാര്യയും മകനും ഭാര്യാപിതാവും ചികിത്സയില്‍ കഴിയുന്നത്. അപകടത്തില്‍ ഓട്ടോ ടാക്‌സി പൂര്‍ണമായും തകര്‍ന്നിരുന്നു. ഏറെ ബുദ്ധിമുട്ടിയാണ് അതില്‍നിന്ന് നാട്ടുകാര്‍ യാത്രക്കാരെ പുറത്തെടുത്ത് ആശുപത്രിയിലെത്തിച്ചത്.
കൊച്ചിയിൽ മത്സരയോട്ടത്തിനിടെ അപകടത്തിൽപ്പെട്ട കാര്‍ പൂര്‍ണമായും കത്തി നശിച്ചു
പനമ്പിള്ളി നഗർ കല്ലുപാലത്തിന് സമീപം രണ്ടു കാറുകൾ തമ്മിലുള്ള മത്സരയോട്ടത്തിനിടെ ഡിവൈഡറിൽ ഇടിച്ചു അപകടത്തില്‍പ്പെട്ട കാര്‍ പൂര്‍ണമായും കത്തി നശിച്ചു. ഇന്നലെ ഉച്ചയ്ക്ക് രണ്ടരയോടെയായിരുന്നു സംഭാവം. രണ്ടു കാറുകളും വിദ്യാർത്ഥികളാണ് ഓടിച്ചത്.
Also Read: ബിപോർജോയ് ചുഴലിക്കാറ്റ് ഇന്ന് തീരംതൊടും; അതീവ ജാഗ്രതയിൽ ഗുജറാത്ത്
അമിത വേഗതയിലായിരുന്ന തൊടുപുഴ സ്വദേശി അബ്ദുള്ളയുടെ കാറാണ് കത്തി നശിച്ചത്. കാറിനകത്ത് രണ്ടുപേർ ഉണ്ടായിരുന്നു. പനമ്പള്ളി പാലത്തിന് സമീപം വളവ് തിരിയുന്നതിനിടെ നിയന്ത്രണം വിട്ട കാര്‍ പാലത്തിന്റെ കൈവരിയിലിടിക്കുകയായിരുന്നു. ഇടിയുടെ ആഘാതത്തിൽ നിമിഷങ്ങള്‍ക്കകം തീ പടര്‍ന്നു. കാർ കത്തി തുടങ്ങിയതോടെ ഇരുവരും ചാടി പുറത്തിറങ്ങി. ഇതോടെ വാൻ അപകടം ഒഴിവായി. പരിക്കേറ്റ രണ്ടാമത്തെയാളെ ആശുപത്രിയിൽ പ്രവേശിപ്പിച്ചു. ശേഷം ഫയര്‍ഫോഴ്‌സ് എത്തിയാണ് തീയണച്ചത്. വൈറ്റില മുതല്‍ തേവക്കല്‍ സ്വദേശി ഷഹീറിന്റെ മിനി കൂപ്പറും അബ്ദുള്ളയുടെ കാറും മത്സര ഓട്ടത്തിലായിരുന്നുവെന്നാണ് റിപ്പോർട്ട്. ഏറെ നേരം ഇരുവരും മത്സരിച്ച് വാഹനമോടിക്കുന്നതിന്റെ സിസിടിവി ദൃശ്യങ്ങള്‍ പോലീസ് ശേഖരിച്ചിട്ടുണ്ട്. കളി കാര്യമായതോടെയാണ് വൻ അപകടമുണ്ടായത്. ഇരുവരും തമ്മില്‍ മുന്‍ പരിചയമില്ലെന്നാണ് പോലീസ് പറയുന്നത്. സംഭവത്തിൽ രണ്ട് കാറും ഓടിച്ചിരുന്നവരെ പോലീസ് കസ്റ്റഡിയിലെടുത്തിട്ടുണ്ട്. ഇരുവര്‍ക്കുമെതിരെ അപകടകരമായ വിധത്തില്‍ വാഹനം ഓടിച്ചതിനും മത്സരയോട്ടം നടത്തിയതിനും കേസെടുത്തു. അപകടത്തിൽ കാറിന്റെ സ്റ്റിയറിങ് ലോക്ക് ആയി. ഡിവൈഡറിൽ ഇടിച്ചുണ്ടായ അപകടത്തെത്തുടർന്ന് കാറിലെ ബാറ്ററിയിലുണ്ടായ തകരാറാണ് തീപിടിത്തതിനു കാരണമായതെന്നാണ് അഗ്നിശമന സേന പറഞ്ഞത്. ബോണറ്റിൽ നിന്നാണ് തീപടർന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...