സംസ്ഥാനത്ത് ഇന്ന് നാല് കോറോണ മരണം കൂടി സ്ഥിരീകരിച്ചു..!

തിരുവനന്തപുരം:  സംസ്ഥാനത്ത് ഇന്ന് നാല് കോറോണ മരണം കൂടി സ്ഥിരീകരിച്ചു.  പത്തനംതിട്ട സ്വദേശി പുരുഷോത്തമൻ, കോഴിക്കോട് സ്വദേശി ബഷീർ, കോട്ടയം സ്വദേശി പി. എൻ. ചന്ദ്രൻ, കാസർഗോഡ് സ്വദേശി  വിജയകുമാർ എന്നിവരുടെ മരണമാണ് ഇന്ന് സ്ഥിരീകരിച്ചത്. 

പരിയാരം മെഡിക്കൽ കോളേജിൽ ചികിത്സയിലിരിക്കെയാണ് കാസർഗോഡ് സ്വദേശി  വിജയകുമാർ മരിച്ചത്.  ഒരു മാസമായി കൊറോണ ബാധിച്ച് ചികിത്സയിലായിരുന്നു ഇദ്ദേഹം.  ഇദ്ദേഹത്തിന്റെ ഭാര്യക്കും മകൾക്കും നേരത്തെ കൊറോണ സ്ഥിരീകരിച്ചിരുന്നു.  ഇതോടെ കാസർഗോഡ് കൊറോണ ബാധിച്ച് മരിച്ചവരുടെ എണ്ണം 28 ആയി. 

പത്തനംതിട്ട സ്വദേശി പുരുഷോത്തമനും ചികിത്സയിലിരിക്കെ ജനറൽ ആശുപത്രിയിൽ വച്ചാണ് മരണമടഞ്ഞത്.  കോട്ടയം സ്വദേശി ചന്ദ്രൻ കോട്ടയം മെഡിക്കൽ കോളേജിൽ ചികിത്സയിലായിരുന്നു.  പനിയെ തുടർന്ന് സ്വകാര്യ ആശുപത്രിയിൽ ചികിത്സ തേടിയ അദ്ദേഹത്തിന് പരിശോധനയിൽ കൊറോണ സ്ഥിരീകരിക്കുകയായിരുന്നു.