സം​സ്ഥാ​ന​ത്ത് കോ​വി​ഡ് മ​ര​ണ​സം​ഖ്യ ഉ​യ​ര്‍​ന്നേ​ക്കാം, ജാഗ്രത പാലിക്കുക; മുന്നറിയിപ്പുമായി ആരോഗ്യമന്ത്രി

തി​രു​വ​ന​ന്ത​പു​രം:  കോവിഡ്‌  നി​യ​ന്ത്ര​ണ​ങ്ങ​ള്‍ ഒ​ഴി​വാ​ക്കു​ന്ന​തോ​ടെ സം​സ്ഥാ​നത്ത് വൈറസ് ബാധയും ഒപ്പം മരണ സംഖ്യയും   ഉയരാമെന്ന മുന്നറിയിപ്പ് നല്‍കി  ആരോഗ്യമന്ത്രി (Health Minister) കെ.​ കെ. ശൈ​ല​ജ (K K Shailaja).

ആ​ര്‍​ക്കെ​ങ്കി​ലും രോ​ഗം വ​ന്നാ​ല്‍ ഉ​ട​നെ ആ​ശു​പ​ത്രി​യി​ലെ​ത്തി​ക്കണം. കോ​ള​നി​ക​ളി​ല്‍ രോ​ഗം പ​ട​രാ​ന്‍ ഒരു കാരണവശാലും അ​നു​വ​ദി​ക്ക​രു​ത്. ഇ​ക്കാ​ര്യ​ത്തി​ല്‍ എം​എ​ല്‍​എ​മാ​ര്‍ ജാ​ഗ്ര​ത​ പുലര്‍ത്തണം.  യോ​ജി​ച്ച പ്ര​വ​ര്‍​ത്ത​നം കൊ​ണ്ടാ​ണു സം​സ്ഥാ​ന​ത്ത് കോ​വി​ഡ് മ​ര​ണ​ങ്ങ​ള്‍ അ​ധി​ക​മാ​കു​ന്ന​ത് ത​ട​യാ​ന്‍ സാ​ധി​ച്ചതെന്നും ആരോഗ്യമന്ത്രി പറഞ്ഞു.   എ​റ​ണാ​കു​ളം മെ​ഡി​ക്ക​ല്‍ കോ​ള​ജി​ല്‍ വി​ക​സ​ന പ​ദ്ധ​തി​ക​ളു​ടെ ഉ​ദ്ഘാ​ട​നം നി​ര്‍​വ​ഹി​ക്കവേ ആയിരുന്നു ആ​രോ​ഗ്യ​മ​ന്ത്രി ഇപ്രകാരം അഭിപ്രായപ്പെട്ടത്. 

രോ​ഗി​ക​ള്‍ കൂ​ടു​ന്ന​തോ​ടെ വെ​ന്‍റി​ലേ​റ്റ​റു​ക​ള്‍​ക്കും ക്ഷാ​മം വ​രും. ഇ​പ്പോ​ള്‍ ത​ന്നെ വെ​ന്‍റി​ലേ​റ്റ​റു​ക​ള്‍ക്ക് ക്ഷാമമുണ്ട്. പ്രാ​യ​മു​ള്ള​യാ​ളു​ക​ളി​ലേ​ക്കു രോ​ഗം പ​ട​ര്‍​ന്നാ​ല്‍ വെ​ന്‍റി​ലേ​റ്റ​ര്‍ തി​ക​യാ​തെ വരും. ഏ​ത്ര രോ​ഗി​ക​ള്‍ വ​ന്നാ​ലും ആ​രും റോ​ഡി​ല്‍ കി​ട​ക്കേ​ണ്ട അ​വ​സ്ഥ​യു​ണ്ടാകരുതെന്നും മന്ത്രി വ്യക്തമാക്കി.

കക്ഷിരാഷ്ട്രീയ ഭേദമന്യേയാണു കോവിഡ് പ്രതിരോധ പ്രവര്‍ത്തനങ്ങളില്‍ ആളുകള്‍ ഇടപെടുന്നതെന്നും മന്ത്രി പറഞ്ഞു. അയല്‍ സംസ്ഥാനങ്ങളായ കര്‍ണാടകയിലും തമിഴ്‌നാട്ടിലും മരണനിരക്ക് വളരെ  കൂടുതലാണ്. ആ രീതിയില്‍ സംസ്ഥാനത്തും രോഗികള്‍ മരിക്കുമായിരുന്നെങ്കില്‍ പതിനായിരം കടക്കുമെന്നായിരുന്നു വിദഗ്ധര്‍ പറഞ്ഞത്. അത് നമുക്ക് തടയാനായത് യോജിച്ച പ്രവര്‍ത്തനം കൊണ്ടാണ്,  മന്ത്രി  കൂട്ടിച്ചേര്‍ത്തു. 

അതേസമയം, ഓണം കഴിഞ്ഞതോടെ സംസ്ഥാനത്ത് പ്രതിദിന കോവിഡ് രോഗികളുടെ എണ്ണത്തില്‍ വര്‍ദ്ധനയാണ് കാണുന്നത്.   സെപ്റ്റംബറോടെ കേരളത്തിലെ പ്രതിദിന കോവിഡ് രോഗികളുടെ എണ്ണം അയ്യായിരം കടക്കുമെന്നാണ് വിദഗ്ധര്‍ നല്‍കുന്ന മുന്നറിയിപ്പ്...