Kerala Exit Poll 2021 : അഞ്ചിൽ നാല് എക്സിറ്റ് പോൾ ഫലവും കേരളത്തിൽ ഭരണ തുടർച്ച, NDA സീറ്റ് വർധിപ്പിക്കും

Thiruvananthapuram : ദേശീയ മാധ്യമങ്ങളുടെ ഏജൻസികളും ചേർന്ന് നടത്തി എക്സിറ്റ് പോൾ (Exit Poll) ഫലത്തിൽ ഭൂരിഭാഗവും കേരളത്തിൽ ഭരണതുടർച്ചയ്ക്ക് സാധ്യത എന്നാണ് വ്യക്തമാക്കുന്നത്. ഇന്ത്യ ടുഡേ-ആക്സിസ് മൈ ഇന്ത്യ സർവെ, എബിപി-സീ വോട്ടർ സർവെ സിഎൻഎൻ ന്യൂസ് 18, റിപ്പബ്ലിക്ക്- സിഎൻഎക്സ് എന്നീ സർവെകളാണ് കേരളത്തിൽ ഭരണത്തുടർച്ചയുണ്ടാകമെന്ന് പ്രവചിച്ചിരിക്കുന്നത്. 

ജൻ കി ബാത്ത് മാത്രമാണ് കേരളത്തിൽ യുഡിഎഫിന് നേരിയ മുന്നേറ്റം അല്ലെങ്കിൽ ഇഞ്ചോടിഞ്ച് പോരാട്ടം പ്രവചനം നടത്തിയിരിക്കുന്നത്. 

ഇന്ത്യ ടുഡെ- ആക്സിസ് മൈ ഇന്ത്യ സർവെയിൽ എൽഡിഎ് 104 മുതൽ 120 നേടുമെന്നാണ് സാധ്യത അറിയിച്ചിരിക്കുന്നത്. യുഡിഎഫ് 20-36 സീറ്റിലേക്ക് ചുരുങ്ങനാണ് അറിയിക്കുന്നത്. ബിജെപി രണ്ട് സീറ്റുകൾ വരെ നേടാം.

ന്യൂസ് 24 ചാണക്യ ഏകദേശം സമാനമായ കണക്കാണ് പ്രവിച്ചിക്കുന്നത്. 96-111 സീറ്റാണ് എൽഡിഎഫിൽ പ്രതീക്ഷിക്കുന്നത്. യുഡിഎഫാകട്ടെ വെറും 26-44 സീറ്റുകൾ. ബിജെപി ആറ് സീറ്റുകൾ വരെ നേടുമെന്നാണ് കണക്ക് കൂട്ടലുകൾ. 

റിപ്പബ്ലിക് സിഎൻഎക്സ് മറ്റ് രണ്ട് സർവെകൾ പോലെ നൂറിന് മുകളിൽ പ്രവചനം ഇല്ലെങ്കിലും എൽഡിഎഫിന് വ്യക്തമായ മേൽക്കെയാണ് പ്രവചിക്കുന്നത്. എൽഡിഎഫ് 72-80, യുഡിഎഫ് 58-64, ബിജെപി 1-5

എബിപി സീ വോട്ടറിൽ മത്സരം കനക്കുന്ന ശൈലിയാണ് വ്യക്തമാക്കുന്നെങ്കിലും എൽഡിഎഫ് വ്യക്തമായ ഭൂരിപക്ഷം സ്വന്തമാക്കുമെന്നാണ് പ്രവചിക്കുന്നത്. എൽഡിഫ് 71-77, യുഡിഎഫ് 62-68, ബിജെപി 0-2.

എന്നാൽ ജൻ കി ബത്ത് എന്ന സർവെയിൽ കേരളത്തിൽ ഇഞ്ചേടിഞ്ച് പോരാട്ടം പ്രവചിക്കുന്നത്. എൽഡിഎഫിന് നേരിയ തോതിൽ മുന്നേറ്റം പ്രവചിക്കുന്നെങ്കിലും ഭരണം ആർക്കൊപ്പമാകുമെന്ന് പ്രവചനതീതം എന്ന രീതിയിലാണ് ജൻ കീ ബാത്തിന്റെ കണ്ക്ക വിശേഷിപ്പിക്കുന്നത്. എൽഡിഎഫ് 64-79, യുഡിഎഫ് 61-71, ബിജെപി 2-4 എന്നിങ്ങിനെയാണ് എക്സിറ്റ് പോൾ ഫലങ്ങൾ.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA

ios Link - https://apple.co/3hEw2hy