Hanuman Monkey Trivandrum: തിരുവനന്തപുരം മൃഗശാലയിൽ നിന്ന് ചാടിപ്പോയ ഹനുമാൻ കുരങ്ങ് പ്രസവിച്ചു

തിരുവനന്തപുരം: മൃഗശാലയിൽ നിന്നും ചാടി പോയി ഏറെ ദിവസങ്ങൾ ജനങ്ങൾക്കും മൃഗശാല അധികൃതർക്കും തലവേദന സൃഷ്ടിച്ച് തിരിച്ചെത്തിയ ഹനുമാൻ കുരങ്ങ്  പ്രസവിച്ചു. വെള്ളിയാഴ്ച രാത്രിയാണ് ഹനുമാൻ കുരങ്ങ് പ്രസവിച്ചത്. പെൺ കുഞ്ഞിനാണ് ജന്മം നൽകിയത്.

 പ്രസവത്തിന് പിന്നാലെ ഹനുമാൻ കുരങ്ങിനെ ഭക്ഷണക്രമത്തിലും വലിയ മാറ്റങ്ങൾ കൊണ്ടുവന്നിട്ടുണ്ട്. രാവിലെ ഒരു നേരത്തെ മാത്രമാണ് കുരങ്ങിന് ഭക്ഷണം നൽകുന്നത്. പ്രോട്ടീനും മടങ്ങിയ പോഷക സമൃദ്ധമായ ഭക്ഷണമാണ് കുരങ്ങിന് നൽകുന്നത്. 

 മൃഗശാലയിൽ നിന്ന് ചാടിപ്പോയതിൽ പിന്നെ ഈ കുരങ്ങിനെ പ്രത്യേക കൂട്ടിലായിരുന്നു  പാർപ്പിച്ചിരുന്നത്.അമ്മയെയും കുട്ടിയേയും മൃഗശാല അധികൃതരുടെ പ്രത്യേക നിരീക്ഷണത്തിലാണ്. നിലവിൽ അമ്മയുടെയും കുഞ്ഞിന്റെയും ആരോഗ്യനില തൃപ്തികരമാണ്.