Moonnar Accident: മൂന്നാര്‍ പെരിയവരൈക്ക് സമീപം ജീപ്പ് കൊക്കയിലേക്ക് മറിഞ്ഞു; ഡ്രൈവർ മരിച്ചു

ഇടുക്കി: മൂന്നാര്‍ പെരിയവരൈക്ക് സമീപം വാഹനാപകടം. ജീപ്പ് പാതയോരത്തെ കൊക്കയിലേക്ക് മറിഞ്ഞു. അപകടത്തില്‍ വാഹനത്തിന്റെ ഡ്രൈവര്‍ മുനിയാണ്ടി മരിച്ചു. വാഹനമോടിക്കുന്നതിനിടെ ഡ്രൈവര്‍ക്ക് ശാരീരിക അസ്വാസ്ഥ്യം ഉണ്ടായതോടെ ജീപ്പിന്റെ നിയന്ത്രണം നഷ്ടപ്പെടുകയായിരുന്നുവെന്നാണ് വിവരം.

ഇന്നുച്ചക്ക് ശേഷമായിരുന്നു അപകടം നടന്നത്. മരിച്ച മുനിയാണ്ടി മൂന്നാറില്‍ നിന്നും ഗുണ്ടുമല ഭാഗത്തേക്ക് ആളുകളുമായി പോകുകയായിരുന്നു. വാഹനമോടിക്കുന്നതിനിടെ പെരിയവരക്ക് സമീപം വച്ച് മുനിയാണ്ടിക്ക് ശാരീരിക അസ്വാസ്ഥ്യം ഉണ്ടായതോടെ ജീപ്പിന്റെ നിയന്ത്രണം നഷ്ടപ്പെടുകയായിരുന്നുവെന്നാണ് വിവരം. നെഞ്ചുവേദന അനുഭവപ്പെട്ടതായി ഒപ്പമുണ്ടായിരുന്നവർ പറഞ്ഞു.

നിയന്ത്രണം നഷ്ടപ്പെട്ട വാഹനം പാതയോരത്തെ കൊക്കയിലേക്ക് പതിച്ചു. വാഹനത്തില്‍ 6പേർ ഉണ്ടായിരുന്നതായാണ് വിവരം.അപകടം നടന്ന ഉടന്‍ പരിക്കേറ്റവരെ മൂന്നാറിലെ ആശുപത്രിയില്‍ എത്തിച്ചുവെങ്കിലും മുനിയാണ്ടിയുടെ ജീവന്‍ രക്ഷിക്കാനായില്ല.വാഹനത്തില്‍ ഉണ്ടായിരുന്ന മറ്റൊരാള്‍ക്ക് കൂടി ഗുരുതരമായി പരിക്ക് സംഭവിച്ചിട്ടുണ്ട്.

വിഴിഞ്ഞത്ത് കാറും ലോറിയും കൂട്ടിയിടിച്ച് അപകടം; ഒരാൾ മരിച്ചു

തിരുവനന്തപുരം: വിഴിഞ്ഞം നെട്ടത്താണി ബൈപ്പാസിൽ കാറും ലോറിയും കൂട്ടിയിടിച്ച് അപകടം ഒരാൾ മരിച്ചു. കാർ യാത്രികനായ മരിയനാട് സ്വദേശി അജിത് 23 ആണ് മരിച്ചത്. പാറശ്ശാലയിൽ നിന്നും കോവളത്തേക്ക് ഒരേ ദിശയിൽ വരികയായിരുന്നു ലോറിയും കാറും  ലോറിബൈ റോഡിലേക്ക് തിരിഞ്ഞതുംപിന്നിൽ നിന്ന് അമിതവേഗത്തിൽ വന്ന കാർ ഇടിക്കുകയായിരുന്നു.