Makkal Needhi Maiam: നിയമസഭാ തിരഞ്ഞെടുപ്പിൽ മത്സരിക്കാൻ ആ​ഗ്രഹിക്കുന്നവർക്ക് 25000 രൂപക്ക്,ഒാൺലൈൻ അപേക്ഷ പൂരിപ്പിക്കാം

ചെന്നെ: കാര്യമായ അനക്കമൊന്നമില്ലായിരുന്നെങ്കിലും തിരഞ്ഞെടുപ്പ് അടുത്തതോടെ വമ്പൻ പ്രഖ്യാപനങ്ങളുമായി നടൻ കമൽഹാസൻ(Kamal Haasan) നേതൃത്വം നൽകുന്ന മക്കൾ നീതി മയ്യം. തിരഞ്ഞെടുപ്പിൽ മത്സരിക്കാൻ ആ​ഗ്രഹിക്കുന്നവരിൽ നിന്നും ഒാൺലൈൻ അപേക്ഷകളാണ് ഇത്തവണ പാർട്ടി ക്ഷണിച്ചത്. 25,000 രൂപ നല്‍കി അപേക്ഷ വാങ്ങി പൂരിപ്പിച്ച്‌ നല്‍കുന്നവർക്ക് പാർട്ടി ടിക്കറ്റിൽ മത്സരിക്കാനാവും. തമി​ഴ്​നാട്​-പുതുച്ചേരി തെരഞ്ഞെടുപ്പില്‍ പാര്‍ട്ടി സ്ഥാനാര്‍ഥിയാവാന്‍ ആഗ്രഹിക്കുന്നവർക്കാണ് അവസരം. ഞായറാഴ്ചയാണ് ഇത് സംബന്ധിച്ച് പ്രഖ്യാപനം നടത്തിയത്.

അപേക്ഷകർ പാർട്ടി പ്രവർത്തകരാകണമെന്നതിൽ ഒരു നിർബന്ധവുമില്ല. തമിഴ്​നാട്ടിലും(Tamilnadu) പുതുച്ചേരിയിലും മെയിലാണ്​ തെരഞ്ഞെടുപ്പ്​.കാലിന് നടത്തിയ ശസ്ത്രക്രിയക്ക് ശേഷം അണുബാധയും മറ്റ് പ്രശ്നങ്ങളുമായി താരം വിശ്രമത്തിലായിരുന്നു അതിനിടയിലാണ് പുതിയ പ്രഖ്യാപനവുമായി അദ്ദേഹം എത്തിയത്.മക്കള്‍ നീതി മയ്യത്തിനായി​ ബാറ്ററി ടോര്‍ച്ച്‌​ ചിഹ്​നം ലഭിച്ചതായി അദ്ദേഹം അറിയിച്ചു. കഴിഞ്ഞ മാസം വലത്​ കാലിന്‍റ അസ്​ഥിക്ക്​ നടത്തിയ ശസ്​ത്രക്രിയക്ക്​ പിന്നാലെയുണ്ടായ നേരിയ അണുബാധയില്‍ നിന്ന്​ മുക്തനായിക്കൊണ്ടിരിക്കുകയാണ്​ താരം.

2019ലെ ലോക്​സഭ തെരഞ്ഞെടുപ്പിലും ഇതേ ചിഹ്​നമായിരുന്നു ലഭിച്ചിരുന്നെങ്കിലും കാര്യമായ വോട്ട് വിഹിതം മക്കൾ നീതി മയ്യത്തിന്(Makkal Needhi Maiam) നേടാനായില്ല. അദ്ദേഹം പാർട്ടി രൂപീകരണത്തിൽ കൊണ്ട് വന്ന മയ്യം വിസിലും ഇടയിലെപ്പോഴോ അപ്രത്യക്ഷമായി. കഴിഞ്ഞ തിരഞ്ഞെടുപ്പിൽ ചില നഗര പ്രദേശങ്ങളില്‍ 10 ശതമാനം വരെ വോട്ട്​ പങ്കാളിത്തം നേടിയിരുന്നു. തെരഞ്ഞെടുപ്പ്​ സഖ്യം, സ്ഥാനാര്‍ഥികളുടെ തെരഞ്ഞെടുപ്പ്​ ഉള്‍പ്പെടെയുള്ള തന്ത്രങ്ങള്‍ കൈക്കൊള്ളാന്‍ സ്ഥിരം അധ്യക്ഷനായ കമല്‍ഹാസനെ തന്നെ നിയോഗിച്ചിരിക്കുകയാണ്​.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA

ios Link - https://apple.co/3hEw2hy