സ്റ്റേഷനിലെത്തിയ വയോധികയെ അപമാനിച്ച സംഭവം; പോലീസ് ഉദ്യോഗസ്ഥന് സസ്പെൻഷൻ
മകനെ ജാമ്യത്തിലിറക്കാൻ വന്ന അമ്മയെ എസ്എച്ച്ഒ മർദ്ദിച്ചുവെന്നാണ് ആരോപണം. ഇവർ വന്ന കാർ തകർത്തതായും പരാതിയുണ്ട്.
കണ്ണൂര്‍: മകനെ ജാമ്യത്തിലെടുക്കാൻ സ്റ്റേഷനിലെത്തിയ അമ്മയ്ക്കെതിരെ അസഭ്യ വർഷം നടത്തിയ പോലീസ് ഉദ്യോഗസ്ഥനെ സസ്പെൻഡ് ചെയ്തു. ധർമ്മടം എസ്എച്ച്ഒ കെ.വി സ്മിതേഷിനെയാണ് സസ്പെൻഡ് ചെയ്തത്. വയോധിക പോലീസ് സ്റ്റേഷനിലെത്തിയ കാറിന്റെ ഗ്ലാസ് അടിച്ചു തകർക്കുകയും ഇവരെ മ‍ർദ്ദിക്കുകയും ചെയ്തുവെന്ന പരാതിയിലാണ് കെ വി സ്മിതേഷിനെ സസ്പെൻഡ് ചെയ്തത്. സ്മിതേഷ് മദ്യലഹരിയിലായിരുന്നുവെന്ന് പ്രാഥമിക പരിശോധനയിൽ ബോധ്യപ്പെട്ടതായി കണ്ണൂർ സിറ്റി പോലീസ് കമ്മീഷണർ, അജിത്ത് കുമാർ പറ‍ഞ്ഞു.
Kerala Weather Today: സംസ്ഥാനത്ത് ഇന്നും ചൂട് ഉയർന്നേക്കുമെന്ന് മുന്നറിയിപ്പ്; ഏഴ് ജില്ലകളിൽ ജാഗ്രത നിർദേശം
തിരുവനന്തപുരം: സംസ്ഥാനത്ത് ഇന്നും ഉയർന്ന ചൂട് അനുഭവപ്പെടുമെന്ന് മുന്നറിയിപ്പ്. താപനില ക്രമാതീതമായി ഉയരുന്ന സാഹചര്യത്തിൽ ഏഴ് ജില്ലകൾക്ക് ജാഗ്രത നിർദേശം നൽകി. പാലക്കാട് 39 ഡിഗ്രി സെൽഷ്യസ് വരെയും കണ്ണൂർ, കോഴിക്കോട്, തൃശൂർ, കോട്ടയം, ആലപ്പുഴ, കൊല്ലം എന്നീ ജില്ലകളിൽ 37 ഡിഗ്രി സെൽഷ്യസ് വരെയും താപനില ഉയരാൻ സാധ്യതയുണ്ടെന്നാണ് മുന്നറിയിപ്പ്.
സാധാരണ നിലയിൽ നിന്ന് രണ്ട് മുതൽ നാല് ഡിഗ്രി സെൽഷ്യസ് വരെ താപനില ഉയർന്നേക്കുമെന്നാണ് കേന്ദ്ര കാലാവസ്ഥാ വകുപ്പ് മുന്നറിയിപ്പ് നൽകിയിരിക്കുന്നത്. സൂര്യാഘാത – സൂര്യാതപ സാധ്യത നിലനിൽക്കുന്നതായും നേരിട്ട് സൂര്യപ്രകാശം ഏൽക്കുന്നത് ഒഴിവാക്കണമെന്നും സംസ്ഥാന ദുരന്ത നിവാരണ അതോറിറ്റി മുന്നറിയിപ്പ് നൽകിയിട്ടുണ്ട്.
സംസ്ഥാനത്ത് കഴിഞ്ഞ ദിവസങ്ങളെ അപേക്ഷിച്ച് ഇന്നലെ ചൂടിൽ നേരിയ കുറവ് രേഖപ്പെടുത്തിയിരുന്നു. ചൂട് 38 ഡിഗ്രി സെൽഷ്യസിലേക്ക് എത്തി. 40 ഡിഗ്രി സെൽഷ്യസിന് അടുത്താണ് മുൻ ദിവസങ്ങളിൽ ചൂട് രേഖപ്പെടുത്തിയിരുന്നത്. അതേസമയം സംസ്ഥാനത്ത് ഇന്ന് വേനൽ മഴയുണ്ടാകുമെന്നും പ്രവചനമുണ്ട്.
തിരുവനന്തപുരം, കൊല്ലം, പത്തനംതിട്ട, എറണാകുളം, ഇടുക്കി, കോഴിക്കോട്, വയനാട് ജില്ലകളിൽ വേനൽ മഴയ്ക്ക് സാധ്യതയുണ്ടെന്നാണ് അറിയിപ്പ്. ഉച്ചയ്ക്ക് ശേഷം ഇടിമിന്നലോട് കൂടിയ മഴയ്ക്കാണ് സാധ്യത പ്രവചിച്ചിരിക്കുന്നത്. ഇടിമിന്നൽ ഉണ്ടാകാൻ സാധ്യതയുള്ളതിനാൽ, പൊതുജനങ്ങൾ ഇടിമിന്നൽ ജാഗ്രത മുന്നറിയിപ്പുകളും പാലിക്കണമെന്ന് അധികൃതർ നിർദേശം നൽകി. കേരള-കർണാടക- ലക്ഷദ്വീപ് തീരങ്ങളിൽ മത്സ്യബന്ധനത്തിന് വിലക്ക് ഏർപ്പെടുത്തിയിട്ടില്ല.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...