ഒന്ന് ശ്രദ്ധിക്കൂ!! യുകെ, ഇറ്റലി പൗരന്മാരുടെ സഞ്ചാര പാത...
കോവിഡ് 19 സ്ഥിരീകരിച്ച യുകെ, ഇറ്റലി പൗരന്മാര്‍ സഞ്ചരിച്ച സ്ഥലങ്ങളുടെ റൂട്ട് മാപ്പ് പ്രസിദ്ധീകരിച്ചു. മൂന്നാറിലും തിരുവനന്തപുരത്തുമായി ഇവര്‍ സഞ്ചരിച്ച സ്ഥലങ്ങളാണ് അധികൃതര്‍ തിരിച്ചറിഞ്ഞത്.
തിരുവനന്തപുരം: കോവിഡ് 19 സ്ഥിരീകരിച്ച യുകെ, ഇറ്റലി പൗരന്മാര്‍ സഞ്ചരിച്ച സ്ഥലങ്ങളുടെ റൂട്ട് മാപ്പ് പ്രസിദ്ധീകരിച്ചു. മൂന്നാറിലും തിരുവനന്തപുരത്തുമായി ഇവര്‍ സഞ്ചരിച്ച സ്ഥലങ്ങളാണ് അധികൃതര്‍ തിരിച്ചറിഞ്ഞത്.
റൂട്ട് മാപ്പ് പ്രകാരം പ്രസ്തുത തീയതിയില നിശ്ചിത സമയത്ത് ഈ സ്ഥലങ്ങളില്‍ ഉണ്ടായിരുന്ന വ്യക്തികള്‍ ആരോഗ്യ വിഭാഗത്തിന്‍റെ സ്‌കീനിംഗിന് വിധേയരാകണം.
തിരുവനന്തപുരം കളക്ടറാണ് ഇറ്റലി പൗരന്‍റെ യാത്രാ വിവരങ്ങളടങ്ങിയ റൂട്ട് മാപ്പ് പുറത്ത് വിട്ടത്. ആരോഗ്യ വകുപ്പ് അധികൃതരാണ് യുകെ പൗരന്‍റെ യാത്രാ വിവരങ്ങളടങ്ങിയ റൂട്ട് മാപ്പ് പുറത്ത് വിട്ടത്.
അതേസമയം, കോവിഡ്-19 ബാധിച്ച് സംസ്ഥാനത്ത് ആകെ 21 പേരാണ് ചികിത്സയിലുള്ളത്.
രണ്ട് പേര്‍ക്കാണ് ഇന്നലെ മാത്രം രോഗം സ്ഥിരീകരിച്ചത്. സ്പെയ്നില്‍ നിന്നും മടങ്ങിയെത്തിയ തിരുവനന്തപുരം സ്വദേശിയായ ഡോക്ടര്‍ക്കും ബ്രിട്ടീഷ് പൗരനുമാണ് ഇന്നലെ സംസ്ഥാനത്ത് രോഗം സ്ഥിരീകരിച്ചത്.