ഭാര്യയുടേയും മകന്റെയും മുന്നിൽ വച്ച് തീക്കൊളുത്തിയ യുവാവ് മരിച്ചു
തിങ്കളാഴ്ച വിദേശത്തേക്ക് പോകാനിരുന്ന അഹമ്മദാലി പോകുന്നതിന് മുൻപ് ഭാര്യയെയും രണ്ട് വയസുകാരനായ മകനെയും കണ്ട് യാത്ര പറയണമെന്നും അവരെ ഭയപ്പെടുത്താൻ ഒരു കുപ്പി പെട്രോൾ കയ്യിൽ കരുതിയിട്ടുണ്ടെന്നും ബന്ധുക്കളോട് പറഞ്ഞിരുന്നതായാണ് വിവരം.
തിരുവനന്തപുരം: വർക്കലയിൽ മകന്റെയും ഭാര്യയുടെയും മുന്നിൽ വെച്ച് തീകൊളുത്തിയ യുവാവ് മരിച്ചു. തിരുവനന്തപുരം കരമന കുഞ്ചാലുംമൂട് സ്വദേശി അഹമ്മദാലി ആണ് പൊളളലേറ്റ് മരിച്ചത്. ഇയാൾ തിങ്കളാഴ്ച വിദേശത്തേക്ക് മടങ്ങിപ്പോകാനിരിക്കുകയായിരുന്നു. ഇന്നലെ വൈകിട്ടാണ് സംഭവം നടന്നത്. കുടുംബ പ്രശ്നങ്ങളെ തുടർന്ന് കഴിഞ്ഞ രണ്ടര മാസമായി ഭാര്യയുമായി അകന്ന് കഴിയുകയാണ് അഹമ്മദലി. ഇന്നലെ ഇലകമൺ കരവാരത്തെ ഭാര്യ വീട്ടിലെത്തിയ ഇയാൾ കയ്യിൽ പെട്രോളും കരുതിയിരുന്നു.
ഇതിന് മുൻപും ഇയാൾ ഭാര്യ വീട്ടിലെത്തുകയും വഴക്കുണ്ടാകുകയും ചെയ്തിരുന്നു. അത് കൊണ്ട് തന്നെ അഹമ്മദലിയെ കണ്ടയുടൻ ആക്രമണം ഭയന്ന് വീടിനുള്ളിൽ കയറി വാതിൽ അടച്ചുവെന്നാണ് ഇയാളുടെ ഭാര്യാ പിതാവ് പറയുന്നത്. ഇതിനിടെ അഹമ്മദലി തീകൊളുത്തിയിരുന്നു. വീടിന് പുറകിലെ വാതിൽ കൂടി അചട്ട് തിരികെ എത്തിയപ്പോഴേക്കും തീ ആളിപ്പടര്‍ന്നുവെന്നും ഭാര്യാ പിതാവ് പറയുന്നു. തുടർന്ന് അയൽവാസികൾ ഓടിയെത്തി 90 ശതമാനം പൊള്ളലേറ്റ അഹമ്മദാലിയെ ആശുപത്രിയിലെത്തിക്കുകയായിരുന്നു. എന്നാൽ പുലർച്ചെയോടെ മരണം സംഭവിക്കുകയായിരുന്നു.
Also Read: Crime News: വിനോദ സഞ്ചാരികൾ എന്ന വ്യാജേന ഹാഷിഷ് കടത്തിയ യുവാക്കൾ അറസ്റ്റിൽ
തിങ്കളാഴ്ച വിദേശത്തേക്ക് പോകാനിരുന്ന അഹമ്മദാലി പോകുന്നതിന് മുൻപ് ഭാര്യയെയും രണ്ട് വയസുകാരനായ മകനെയും കണ്ട് യാത്ര പറയണമെന്നും അവരെ ഭയപ്പെടുത്താൻ ഒരു കുപ്പി പെട്രോൾ കയ്യിൽ കരുതിയിട്ടുണ്ടെന്നും ബന്ധുക്കളോട് പറഞ്ഞിരുന്നതായാണ് വിവരം. ഫോറൻസിക് സംഘം സ്ഥലത്തെത്തി പരിശോധന നടത്തി. സാമ്പിളുകൾ ശേഖരിക്കുകയും ചെയ്തു. സംഭവത്തിൽ അസ്വാഭാവിക മരണത്തിന് പോലീസ് കേസെടുത്തിട്ടുണ്ട്.
തിങ്കളാഴ്ച കോട്ടയത്തും ഇടുക്കിയിലും ഓറഞ്ച് അലർട്ട്; മഴ മുന്നറിയിപ്പുകൾ ഇങ്ങനെ
തിരുവനന്തപുരം: സംസ്ഥാനത്ത് മഴ മുന്നറിയിപ്പുകൾ പ്രഖ്യാപിച്ച് കാലാവസ്ഥാ നിരീക്ഷണ കേന്ദ്രം. തിങ്കളാഴ്ച കോട്ടയം, ഇടുക്കി ജില്ലകളിൽ ഓറഞ്ച് അലർട്ട് പ്രഖ്യാപിച്ചു. ചൊവ്വാഴ്ച 8 ജില്ലകളിലും ബുധനാഴ്ച 11 ജില്ലകളിലും ഓറഞ്ച് അലർട്ടുണ്ട്. തെക്കൻ കേരളത്തിലും മധ്യകേരളത്തിലും പരക്കെ മഴയ്ക്ക് സാധ്യതയുണ്ടെന്നാണ് മുന്നറിയിപ്പ്. മഴ ശക്തമാക്കാൻ സാഹചര്യമുള്ള ഇടങ്ങളിൽ ജനങ്ങൾ ജാഗ്രത പാലിക്കണമെന്നും മുന്നറിയിപ്പുകൾ അവഗണിക്കരുതെന്നും സംസ്ഥാന ദുരന്തനിവാരണ അതോറിറ്റിയും വ്യക്തമാക്കി.
പത്തനംതിട്ട, ഇടുക്കി, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളിലാണ് ഇന്ന് യെല്ലോ അലര്‍ട്ടുള്ളത്. ആലപ്പുഴ, കോട്ടയം, എറണാകുളം, ഇടുക്കി, തൃശ്ശൂര്‍, പാലക്കാട്, മലപ്പുറം എന്നീ ജില്ലകളിൽ നാളെ മഴ മുന്നറിയിപ്പ് നൽകിയിട്ടുണ്ട്. തിങ്കളാഴ്ച തിരുവനന്തപുരം, കൊല്ലം, പത്തനംതിട്ട, ആലപ്പുഴ, എറണാകുളം, തൃശ്ശൂര്‍, പാലക്കാട്, മലപ്പുറം, കോഴിക്കോട്,കണ്ണൂര്‍, കാസര്‍കോട് ജില്ലകളിലും യെല്ലോ അലര്‍ട്ടാണ്.
അതേസമയം, മഴ ശക്തമാകാനുള്ള സാഹചര്യം മുന്നിൽകണ്ട് ജനങ്ങൾ ജാഗ്രത പാലിക്കണമെന്ന് സംസ്ഥാന ദുരന്തനിവാരണ അഭ്യർത്ഥിച്ചിട്ടുണ്ട്. പല ജില്ലകളിലും ഉച്ചയ്ക്കുശേഷം ഇടിയോടുകൂടിയ മഴയ്ക്ക് സാധ്യതയുണ്ടെന്നാണ് കാലാവസ്ഥാ വകുപ്പ് വ്യക്തമാക്കുന്നത്. മത്സ്യത്തൊഴിലാളികൾക്കും ജാഗ്രതാ നിർദ്ദേശം നൽകിയിട്ടുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...