4 Years Movie : പ്രിയ പ്രകാശ് വാര്യരുടെ 4 ഇയേഴ്സിന് യു/എ സർട്ടിഫിക്കറ്റ്; ചിത്രം ഉടൻ തീയേറ്ററുകളിൽ
ചിത്രം നവംബർ 25 ന് തീയേറ്ററുകളിൽ റിലീസ് ചെയ്യും. ചിത്രം സംവിധാനം ചെയ്യുന്നത് രഞ്ജിത്ത് ശങ്കറാണ്.
പ്രിയ പ്രകാശ് വാര്യരും സർജനോ ഖാലിദും കേന്ദ്ര കഥാപാത്രങ്ങളായി എത്തുന്ന ഏറ്റവും പുതിയ ചിത്രം 4 ഇയേർസിന്റെ സെൻസറിങ് പൂർത്തിയായി. ചിത്രത്തിന് യു/എ സർട്ടിഫിക്കറ്റാണ് സെൻസർ ബോർഡ് ചിത്രത്തിന് നല്കിയിരിക്കുന്നത്. ചിത്രം നവംബർ 25 ന് തീയേറ്ററുകളിൽ റിലീസ് ചെയ്യും. കഴിഞ്ഞ ദിവസം ചിത്രത്തിൻറെ ട്രെയ്‌ലർ പുറത്തുവിട്ടിരുന്നു. കോളേജ് സമയത്തെ പ്രണയക്കഥയും ഇരുവരും തമ്മിലുള്ള പ്രശ്‍നങ്ങളൂം ഒക്കെ ചിത്രത്തിൻറെ ട്രെയ്‌ലറിൽ കാണിക്കുന്നുണ്ട്. നാല് വർഷങ്ങൾക്ക് ശേഷം ഇരുവരും കണ്ടുമുട്ടുന്നതും തുടർന്നുണ്ടാകുന്ന സംഭവങ്ങളുമാണ് ചിത്രത്തിന്റെ പ്രമേയമെന്നാണ് ട്രെയ്‌ലർ നൽകുന്ന സൂചന.
ചിത്രം സംവിധാനം ചെയ്യുന്നത് രഞ്ജിത്ത് ശങ്കറാണ്. ഡ്രീംസ് ആൻഡ് ബിയോണ്ടിന്റെ ബാനറിലാണ് ചിത്രം എത്തുന്നത്. ചിത്രത്തിൻറെ തിരക്കഥ ഒരുക്കിയിരിക്കുന്നത് രഞ്ജിത്ത് ശങ്കർ തന്നെയാണ്. ഛായാഗ്രഹണം നിർവഹിച്ചിരിക്കുന്നത് സാലു കെ തോമസാണ്. ചിത്രത്തിൻറെ ഫസ്റ്റ് ലുക്ക് പോസ്റ്റർ നവംബർ 1 ന് കോതമംഗലം മാർ അസ്ത്തനേഷ്യസ് കോളേജ് ഓഫ് എൻജിനീയറിങ്ങിലെ 10000 വിദ്യാർഥികളുടെ ഫേസ്‌ബുക്ക് അക്കൗണ്ടിലൂടെ പുറത്തുവിട്ടിരുന്നു. ചിത്രത്തിലെ ഗാനങ്ങൾക്ക് വരികൾ ഒരുക്കിയിരിക്കുന്നത് സാന്ദ്ര മാധവ്, സന്ധൂപ് നാരായണൻ, ആരതി മോഹൻ, അനു എലിസബത്ത്, വിവേക് മുഴക്കുന്ന്, രഞ്ജിത്ത് ശങ്കർ എന്നിവർ ചേർന്നാണ്.
ALSO READ: 4 Years Trailer : "നീ എന്നെ എന്തിന വേണ്ടാന്ന് വെച്ചത്"; 4 ഇയേർസ് ട്രെയ്‌ലർ പുറത്തുവിട്ടു
എഡിറ്റർ- സംഗീത് പ്രതാപ്, സംഗീതം - ശങ്കർ ശർമ്മ, സൗണ്ട് ഡിസൈനും ഫൈനൽ മിക്സും - തപസ് നായക്, മേക്കപ്പ് - റോണക്സ് സേവ്യർ, വസ്ത്രാലങ്കാരം - രമ്യ സുരേഷ്, കല - സൂരജ് കുറവിലങ്ങാട്, പ്രൊഡക്ഷൻ കൺട്രോളർ - സജീവ് ചന്തിരൂർ, അസോസിയേറ്റ് ഡയറക്ടർ - അനൂപ് മോഹൻ എസ്, അസോസിയേറ്റ് ഡോപ്പ് - ഹുസൈൻ ഹംസ, DI - Rang Rays മീഡിയ, Vfx - foxdot മീഡിയ, ഫിനാൻസ് കൺട്രോളർ - വിജീഷ് രവി