Dhruva Natchathiram: കാത്തിരിപ്പിന് വിരാമം; ധ്രുവ നച്ചത്തിരം തീയേറ്ററുകളിലേക്ക്, റിലീസ് തീയതി പുറത്ത്
Dhruva Natchathiram Release Date: ആരാധകരുടെ ഏഴ് വർഷം നീണ്ട കാത്തിരിപ്പിനൊടുവിലാണ് ധ്രുവ നച്ചത്തിരം പ്രദർശനത്തിന് എത്തുന്നത്.
ഗൗതം വാസുദേവ് മേനോൻ- വിക്രം കൂട്ടുകെട്ടിൽ പുറത്തിറങ്ങുന്ന ധ്രുവ നച്ചത്തിരം തീയേറ്ററുകളിലേക്ക്. ചിത്രത്തിന്റെ റിലീസ് ഡേറ്റും ട്രെയിലറും പുത്തുവിട്ടു. സെപ്തംബർ 24ന് ചിത്രം തീയേറ്ററുകളിലേക്ക് എത്തും. ഏഴ് വർഷത്തെ കാത്തിരിപ്പിനൊടുവിലാണ് ചിത്രം പ്രദർശനത്തിന് എത്തുന്നത്.
2016ലാണ് ചിത്രീകരണം ആരംഭിച്ചത്. എന്നാൽ ചില സാങ്കേതിക കാരണങ്ങളാൽ ഷൂട്ടിംഗ് നിർത്തിവെയ്‌ക്കേണ്ടി വരികയായിരുന്നു. ചിത്രത്തിൽ വിക്രം ഒരു രഹസ്യാന്വേഷണ ഏജന്റായിട്ടാണ് ചിത്രത്തിൽ വേഷമിടുന്നത്. 'ജോൺ എന്നാണ്' കഥാപാത്രത്തിന്റെ പേര്.
ALSO READ: വിജയ് യേശുദാസ് നായകനാകുന്നു; ‘ക്ലാസ്സ് - ബൈ എ സോൾജ്യറി‘ലെ ഗാനം റിലീസായി
വിക്രമിനെ കൂടാതെ, സിമ്രാൻ, റിതു വർമ്മ, ഐശ്വര്യ രാജേഷ്, പാർത്ഥിപൻ, രാധിക ശരത്കുമാർ, ദിവ്യദർശിനി, വംശി കൃഷ്ണ, സതീഷ് കൃഷ്ണൻ എന്നിവരുൾപ്പെടെയുള്ള ഒരു വലിയ താരനിര ധ്രുവ നച്ചത്തിരത്തിൽ ഉണ്ട്. ഉദയനിധി സ്റ്റാലിനാണ് ചിത്രത്തിന്റെ വിതരണം.
ഹാരിസ് ജയരാജ് ആണ് ചിത്രത്തിനായി സംഗീതം ഒരുക്കുന്നത്. ഏഴ് രാജ്യങ്ങളിലായിരുന്നു ധ്രുവ നച്ചത്തിരത്തിന്റെ ഷൂട്ടിംഗ് പൂർത്തിയായത്. ധ്രുവനച്ചത്തിരത്തിലും വില്ലനായെത്തുന്നത് വിനായകനാണ്. 2022ൽ ചിത്രത്തിന്റെ റിലീസ് പ്രഖ്യാപിച്ചിരുന്നു. എന്നാലിത് പല കാരണങ്ങളാൽ നീണ്ടു പോവുകയായിരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...