Am Ah Movie: കേന്ദ്ര കഥാപാത്രങ്ങളായി ദിലീഷ് പോത്തനും ജാഫർ ഇടുക്കിയും; `അം അഃ` ഫസ്റ്റ് ലുക്ക്

തോമസ് സെബാസ്റ്റ്യൻ സംവിധാനം ചെയ്യുന്ന പുതിയ ചിത്രത്തിന്‍റെ ടൈറ്റിൽ പുറത്തുവിട്ടു. അം അഃ എന്ന് പേരിട്ട ചിത്രത്തിന്റെ ഫസ്റ്റ് ലുക്കും പുറത്തുവിട്ടു. പേര് പോലെ തന്നെ കൗതുകം നിറഞ്ഞതാണ് ചിത്രത്തിന്റെ കഥയുമെന്നാണ് അണിയറക്കാർ അവകാശപ്പെടുന്നത്. ദിലീഷ് പോത്തൻ, ജാഫർ ഇടുക്കി എന്നിവരാണ് ചിത്രത്തിലെ കേന്ദ്ര കഥാപാത്രങ്ങളെ അവതരിപ്പിക്കുന്നത്. കാപ്പി പ്രൊഡക്ഷൻസ് ആണ് ചിത്രം നിർമ്മിക്കുന്നത്. 

തോമസ് സെബാസ്റ്റ്യന്‍റെ നാലാമത്തെ ചിത്രമാണിത്. മമ്മൂട്ടി നായകനായ മായാ ബസാർ, കുഞ്ചാക്കോബോബൻ നായകനായ ജമ്നാ പ്യാരി, ധ്യാൻ - അജു കൂട്ടുകെട്ടിലെ ഗൂഢാലോചന എന്നിവയാണ് തോമസ് സെബാസ്റ്റ്യന്റെ മറ്റ് ചിത്രങ്ങൾ. ഫാമിലി ഡ്രാമയായി ചിത്രീകരിക്കുന്ന ചിത്രത്തിൽ ദിലീഷ് പോത്തൻ, ജാഫർ ഇടുക്കി എന്നിവരെ കൂടാതെ അലൻസിയർ, ടി.ജി. രവി, രഘുനാഥ് പലേരി, ജയരാജ് കോഴിക്കോട്, നവാസ് വള്ളിക്കുന്ന്
തമിഴ് താരം ദേവദർശിനി, മീരാവാസുദേവ്, ശ്രുതി ജയൻ, മാലാ പാർവ്വതി, മുത്തുമണി എന്നിവർ പ്രധാന വേഷങ്ങളിലെത്തുന്നു.

തിരക്കഥ - കവി പ്രസാദ് ഗോപിനാഥ്, സംഗീതം - ഗോപി സുന്ദർ, ഛായാഗ്രഹണം - അനീഷ് ലാൽ. എഡിറ്റിംഗ് - ബിജിത് ബാല, കലാ സംവിധാനം - പ്രശാന്ത് മാധവ്, മേക്കപ്പ് - രഞ്ജിത്ത് അമ്പാടി, കോസ്റ്റ്യും ഡിസൈൻ - കുമാർ എടപ്പാൾ, സ്റ്റിൽസ്- സിനറ്റ് സേവ്യർ. ചീഫ് അസ്സോസ്സിയേറ്റ് ഡയറയക്ടർ - ഗിരീഷ് മാരാർ, അസ്സോസ്സിയേറ്റ് ഡയറക്ടർ ഷാമിലിൻ ജേക്കബ്ബ്. നിർമ്മാണ നിർവ്വഹണം - ഗിരീഷ് അത്തോളി തൊടുപുഴയിലും പരിസരങ്ങളിലുമായി ചിത്രീകരണം പൂർത്തിയാക്കിയ ഈ ചിത്രത്തിന്‍റെ പോസ്റ്റ് പ്രൊഡക്ഷന്‍ പ്രവർത്തനങ്ങൾ പൂർത്തിയായി വരുന്നു. പിആര്‍ഒ വാഴൂർ ജോസ്.