Kurup Movie Box Office Collection : കുറുപ്പ് 50 കോടി ക്ലബിൽ, നേട്ടം വെറും 5 ദിവസങ്ങൾ കൊണ്ട്

Kochi : പിടികിട്ടാപ്പുള്ളി സുകുമാര കുറുപ്പിന്റെ (Sukumara Kurup) കഥ പറയുന്ന ദുൽഖർ സൽമാൻ (Dulquer Salmaan) ചിത്രം കുറുപ്പ് (Kurup Movie) 50 കോടി ക്ലബിൽ ഇടം നേടി. വേൾഡ് വൈഡ് കളക്ഷനിൽ 50 കോടി ക്ലബിൽ ഇടം നേടുന്ന 11-ാമത്തെ മലയാളം  ചിത്രമായി മാറിയിരിക്കുകയാണ് കുറുപ്പ്. തിയറ്ററിൽ റിലീസായി 5 ദിവസം കൊണ്ടാണ് ദുൽഖർ ചിത്രം 50 കോടി ക്ലബിൽ ഇടം പിടിക്കുന്നത്.

ചിത്രം 50 കോടി ക്ലബിൽ ഇടം നേടിയ വിവരം ദുൽഖർ സൽമാൻ തന്നെയാണ് അറയിച്ചത്. എല്ലാവർക്കും നന്ദി അറിയിച്ചുകൊണ്ട്  സോഷ്യൽ മീഡിയയിൽ താരം പോസ്റ്റിട്ടാണ് ഇക്കാര്യം അറിയിച്ചിരിക്കുന്നത്. 

ദുൽഖറിന്റെ കരിയറിലെ ആദ്യ ചിത്രമായ സക്കൻഡ് ഷോയുടെ സംവിധായകൻ ശ്രീനാഥ് രാജേന്ദ്രനാണ് കുറുപ്പിന്റെ സംവിധായകൻ. 12-ാം തിയതി 505 തിയറ്ററുകളിലായ വേൾഡ് വൈഡ് റിലീസ് ചെയ്ത ചിത്രം ആദ്യ ദിനം 6 കോടി സ്വന്തമാക്കുകയും ചെയ്തിരുന്നു. പിന്നീട് ലഭിച്ച സ്വീകാര്യതയിൽ ചിത്രത്തിന്റെ പ്രദർശനം 550 സ്ക്രീനുകളിലേക്കായി ഉയർത്തി.

കേരളത്തിന് പുറത്ത് ഇന്ത്യയിൽ തമിഴ്നാട്ടിലും തെലുഗു സംസ്ഥാനങ്ങളായി തെലങ്കാനയിലും ആന്ധ്രപ്രദേശിലും വൻ സ്വീകാര്യതയാണ് സിനിമയ്ക്ക് ലഭിക്കുന്നത്. കൂടാതെ യൂഎഇയിൽ ഏറ്റവും ഗ്രോസ് കളക്ഷൻ ലഭിക്കുന്ന ചിത്രമെന്ന് റിക്കോർഡും കുറുപ്പിന് ലഭ്യമായി.

കേരള പൊലീസും ഇന്റർപോളും പിടികിട്ടപ്പുള്ളിയായി പ്രഖ്യാപിച്ച സുകുമാര കുറുപ്പിനെ ആസ്പദമാക്കിയാണ് ദുൽഖർ സൽമാൻ കേന്ദ്രകഥാപാത്രമാക്കി ശ്രീനാഥ് രാജേന്ദ്രൻ ഒരുക്കിയിരിക്കുന്നത്. ജിതിൻ കെ ജോസ് എഴുതിയ തിരക്കഥയ്ക്ക് സംഭാഷണം നൽകിയത് ഡാനിയേൽ സായൂജ് നായരും കെ എസ് അരവിന്ദും ചേർന്നാണ്.

ശോഭിത ധുലിപാലയാണ് ചിത്രത്തിലെ നായിക. ഇവരെ കൂടാതെ ഇന്ദ്രജിത് സുകുമാരൻ, സണ്ണി വെയ്ൻ, ഷൈൻ ടോം ചാക്കോ, വിജയരാഘവൻ, പി ബാലചന്ദ്രൻ, സുരഭി ലക്ഷ്മി, ശിവജിത് പദ്മനാഭൻ തുടങ്ങിയവരും ചിത്രത്തിൽ അഭിനയിക്കുന്നുണ്ട്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA

ios Link - https://apple.co/3hEw2hy