Kanakarajyam: ഇന്ദ്രന്‍സ് - മുരളി ഗോപി ചിത്രം കനകരാജ്യത്തിന്റെ ടീസര്‍ പുറത്ത്; ചിത്രം ജൂലൈ അഞ്ചിന് തിയേറ്ററുകളിലേക്ക്

ഇന്ദ്രൻസിനെയും മുരളി ഗോപിയും കേന്ദ്ര കഥാപാത്രങ്ങളാക്കി സാഗർ സംവിധാനം ചെയ്യുന്ന പുതിയ ചിത്രമായ കനകരാജ്യത്തിന്റെ പുതിയ ടീസര്‍ പുറത്തിറങ്ങി. അതിഭാവുകത്വങ്ങളില്ലാതെ സാധാരണക്കാരുടെ ജീവിതം വരച്ചുകാട്ടുന്ന ടീസറിന് മികച്ച സ്വീകരണമാണ് സമൂഹമാധ്യമങ്ങളില്‍ ലഭിക്കുന്നത്. ഏതാനും വർഷങ്ങൾക്ക് മുൻപ് ആലപ്പുഴയിൽ നടന്ന രണ്ട് യഥാർത്ഥ സംഭവങ്ങളെ ആസ്പദമാക്കിയാണ് ചിത്രം ഒരുക്കിയിരിക്കുന്നത്.

'സത്യം മാത്രമേ ബോധിപ്പിക്കൂ', 'വീകം' എന്നീ ചിത്രങ്ങൾക്ക് ശേഷം സാഗറിന്റെ സംവിധാനത്തിൽ ഒരുങ്ങുന്ന മൂന്നാമത്തെ ചിത്രമാണ് കനകരാജ്യം. അജിത് വിനായക ഫിലിംസിൻ്റെ ബാനറിൽ വിനായക അജിത്താണ്‌ ചിത്രം നിർമിക്കുന്നത്. പതിവ് വാണിജ്യ ചേരുവകൾ പൂർണമായും ഒഴിവാക്കി വളരെ റിയലിസ്റ്റിക് പശ്ചാത്തലത്തിലാണ് ചിത്രം ഒരുക്കിയിരിക്കുന്നത്. ജൂലൈ അഞ്ചിന് ചിത്രം തിയേറ്ററുകളിൽ പ്രദർശനത്തിനെത്തും.

ശ്രീജിത്ത് രവി, ദിനേശ് പ്രഭാകർ, കോട്ടയം രമേഷ്, രാജേഷ് ശർമ, ഉണ്ണി രാജ്, അച്യുതാനന്ദൻ, ജയിംസ് ഏല്യാ, ഹരീഷ് പേങ്ങൻ, രമ്യ സുരേഷ്, സൈനാ കൃഷ്ണ, ശ്രീവിദ്യാ മുല്ലശ്ശേരി, ആതിര പട്ടേല്‍ തുടങ്ങിയവരും ചിത്രത്തിൽ അഭിനയിക്കുന്നു. അഭിലാഷ് ശങ്കർ ചിത്രത്തിന്റെ ഛായാഗ്രഹണവും അജീഷ് എഡിറ്റിംഗും നിർവ്വഹിക്കുന്നു.

ഗാനരചന- ബികെ ഹരിനാരായണന്‍, ധന്യ സുരേഷ് മേനോന്‍, മനു മഞ്ജിത്ത്. സംഗീതം- അരുണ്‍ മുരളീധരന്‍. കലാസംവിധാനം- പ്രദീപ്. മേക്കപ്പ്- പ്രദീപ് ഗോപാലകൃഷ്ണൻ. കോസ്റ്റ്യൂം ഡിസൈൻ- സുജിത് മട്ടന്നൂർ. പ്രൊഡക്ഷൻ കൺട്രോളർ- ജിത്ത് പിരപ്പൻകോട്. ചീഫ് അസ്സോസ്സിയേറ്റ് ഡയറക്ടർ- സനു സജീവൻ. പ്രൊഡക്ഷൻ എക്സിക്യൂട്ടീവ്- ശ്രീജേഷ് ചിറ്റാഴ. പ്രൊഡക്ഷൻ മാനേജർ- അനിൽ കല്ലാർ. പിആർഒ- ആതിര ദിൽജിത്ത് ശിവപ്രസാദ്, വാഴൂർ ജോസ്. സ്റ്റിൽസ്- അജി മസ്ക്കറ്റ്.