Jerry Movie: എലിയും പാമ്പും പിന്നെ കുറച്ചു സാധാരണക്കാരും; ചിരിപ്പിച്ച് കോമഡി-ഫാമിലി എന്റർടെയ്നർ `ജെറി`

കോട്ടയം നസീർ, സണ്ണി ജോസഫ്, പ്രമോദ് വെളിയനാട് എന്നിവരെ കേന്ദ്ര കഥാപാത്രങ്ങളാക്കി അനീഷ് ഉദയ് സംവിധാനം ചെയ്യുന്ന 'ജെറി' പ്രേക്ഷക പ്രശംസ നേടി പ്രദർശനം തുടരുന്നു. ഒരു എലി കാരണം കുടുംബത്തിൽ ഉണ്ടാവുന്ന പ്രശ്നങ്ങൾ മികച്ച രീതിയിൽ തന്നെ പ്രേക്ഷകരിലേക്ക് എത്തിക്കാൻ സംവിധായകൻ അനീഷ് ഉദയ്‌ക്ക്‌ സാധിച്ചിട്ടുണ്ട്.

പ്രമോദ് വെളിയനാട് അവതരിപ്പിക്കുന്ന ഗോപി എന്ന കഥാപാത്രത്തിന്റെ മകള്‍ അയല്‍ക്കാരന്‍റെ മകനുമായി പ്രണയത്തിലാകുന്നു. ഇതോടെ രണ്ടു കുടുംബങ്ങളും അകലുന്നു. ഈ പ്രേമം പൊളിക്കാനുള്ള ഒരോ ശ്രമവും മകള്‍ തകര്‍ക്കുന്നു.

പഠനം പൂർത്തിയായതോടെ മകളെ കെട്ടിച്ചുവിടാൻ ഗോപി ശ്രമിക്കുന്നു. എന്നാല്‍ വരുന്ന  കല്യാണാലോചനകൾ എല്ലാം മകൾ തന്നെ പൊളിക്കുന്നു. ചെക്കന്റെ അച്ഛനും ഫോറസ്റ്റ് ഓഫീസറുമായ കഥാപാത്രം ഗോപിയുടെയും സുഹൃത്തിന്റെയും ശത്രുവാകുന്നു. പിന്നീട് അവരുടെ ജീവിതത്തിലേക്ക് ഒരു എലിയും പാമ്പും കൂടി എത്തുന്നതോടെ 'ജെറി' എന്ന സിനിമ രസകരമാകുകയാണ്.

അരുൺ വിജയിയുടെ സംഗീതം ചിത്രത്തിന് വലിയ മുതല്‍ക്കൂട്ടാണ്. 'നീ പിണങ്ങല്ലെ' ​എന്ന ​ഗ്രാമീണതയുടെ പശ്ചാത്തലത്തിൽ പ്രണയം തുളുമ്പുന്ന വിനീത് ശ്രീനിവാസനും നിത്യ മാമ്മേനും ​ചേർന്ന് ആലപിച്ച ഗാനവും, പ്രൊമോ സോങ്ങ് 'കലപില'യും നേരത്തെ ശ്രദ്ധ നേടിയിരുന്നു. നൈജിൽ സി മാനുവൽ തിരക്കഥ രചിച്ച 'ജെറി' ജെ സിനിമാ കമ്പനിയുടെ ബാനറിൽ ജെയ്‌സണും ജോയ്‌സണും ചേർന്നാണ് നിർമ്മിക്കുന്നത്.

ഛായാഗ്രഹണം: നിസ്മൽ നൗഷാദ്, ചിത്രസംയോജനം: രോഹിത് വി എസ് വാരിയത്ത്, സംഗീതം: അരുൺ വിജയ്, ഗാനരചന: വിനായക് ശശികുമാർ, അജിത് പെരുമ്പാവൂർ, ചീഫ് അസോസിയേറ്റ് ഡയറക്ടർ: വിജിത്ത്, പ്രൊജക്ട് ഡിസൈൻ: സണ്ണി ജോസഫ്, പ്രൊഡക്ഷൻ കൺട്രോളർ: മുജീബ് ഒറ്റപ്പാലം, പ്രൊഡക്ഷൻ ഡിസൈൻ: പ്രദീപ് എം വി, വസ്ത്രാലങ്കാരം: രാംദാസ് താനൂർ.

മേക്കപ്പ്: ഷൈൻ നെല്ലങ്കര, സൗണ്ട് മിക്സിംഗ്: സിനോയ് ജോസഫ്, വി.എഫ്.എക്സ്: റോ ആൻഡ് ന്യൂ സ്റ്റുഡിയോസ്, കളറിസ്റ്റ്: ലിജു പ്രഭാകർ, സൗണ്ട് ഡിസൈൻ: പ്രശാന്ത് പി മേനോൻ, സ്റ്റിൽസ്: റിഷ്ലാൽ ഉണ്ണികൃഷ്ണൻ, ഡിസൈൻസ്: ജിതേശ്വരൻ ഗുണശേഖരൻ, പിആർ&മാർക്കറ്റിംഗ്: തിങ്ക് സിനിമ, ഓഡിയോ റൈറ്റ്സ്: സരിഗമ.