നയൻസിന്റെ ദേവി ലുക്ക് വൈറൽ ആകുന്നു...

ആരാധകർക്ക് ഏറെ പ്രിയപ്പെട്ട നടിയാണ് നയൻതാര എന്നത് സംശയമില്ലാത്ത കാര്യമാണ്. നയൻസിന്റെ സിനിമകൾക്ക് നല്ല വരവേൽപ്പാണ് ആരാധകർ നല്കുന്നതും.  ഇപ്പോഴിതാ താരത്തിന്റെ പുതിയ ചിത്രത്തിന്റെ ചിത്രങ്ങൾ സോഷ്യൽ മീഡിയയിൽ വൈറൽ ആകുകയാണ്. 

നയൻസിന്റെ പുതിയ ചിത്രമായ 'മൂക്കുത്തി അമ്മന്റെ' ലൊക്കേഷൻ ചിത്രങ്ങളാണ് വൈറൽ ആകുന്നത്.   നടനായ ആർ. ജെ. ബാലാജി സംവിധാനം ചെയ്യുന്ന 'മൂക്കുത്തി അമ്മൻ' എന്ന ചിത്രത്തിൽ ദേവിയുടെ വേഷമാണ് താരം ചെയ്യുന്നത്.  ഈ ചിത്രങ്ങൾ കണ്ട ആരാധകർ നയൻസിന്റെ ലുക്ക് അടിപൊളിയാണെന്ന് കമന്റും ഇട്ടിട്ടുണ്ട്.   

ചിത്രത്തെ കുറിച്ച് കൂടുതൽ വിവരങ്ങളൊന്നും പുറത്തുവിട്ടിട്ടില്ല.  സംവിധായകൻ ബാലാജിയും ചിത്രത്തിൽ പ്രധാനവേഷത്തിൽ എത്തുന്നുണ്ട്.  സ്മൃതി വെങ്കിടേഷ്, അജയ് ഘോഷ്, ഉർവശി, ഇന്ദുജ രവീന്ദ്രൻ എന്നിവരാണ് ചിത്രത്തിലെ മറ്റു താരങ്ങൾ.