വീണ്ടും വിസ്മയിപ്പിക്കാൻ ഫഹദ് ഫാസിലും ദിലീഷ് പോത്തുനും ശ്യാം പുഷ്ക്കരനും എത്തുന്നു, ജോജി ഏപ്രിൽ 7ന് ആമസോൺ പ്രൈമിലൂടെ റിലീസ് ചെയ്യും, ആദ്യ ടീസർ പുറത്തിറങ്ങി
ഫഹദും ദിലീഷും ആദ്യം ഒന്നിച്ച് മഹേഷിന്റെ പ്രതികാരം എന്ന ചിത്രത്തിന്റെ എഴുത്തുകാരനായ ശ്യാം പുഷ്ക്കരനാണ് ജോജിക്കും തിരക്കഥ ഒരുക്കിയിരിക്കുന്നത്.
Kochi : മഹേഷിന്റെ പ്രതികാരം, തൊണ്ടിമുതലും ദൃക്സാക്ഷിയും എന്നീ സൂപ്പർ ഹിറ്റ് ചിത്രങ്ങൾക്ക് ശേഷം Fahadh Fassil ലും Dileesh Pothan നും വീണ്ടും ഒന്നിക്കുന്ന ചിത്രം Joji യുടെ ആദ്യ Teaser പുറത്തിറങ്ങി. ആമസോൺ പ്രൈം വീഡിയോയിലൂടെ ഏപ്രിൽ ഏഴിനാണ് ചിത്രം റിലീസ് ചെയ്യുന്നത്.
ALSO READ : Allu Arjun ന്റെ വില്ലനായി ഫഹദ് ഫാസിൽ തെലുങ്കിലേക്ക്, പുഷ്പയിൽ പ്രതിനായക വേഷത്തിൽ Fahadh Fasil
ഫഹദും ദിലീഷും ആദ്യം ഒന്നിച്ച് മഹേഷിന്റെ പ്രതികാരം എന്ന ചിത്രത്തിന്റെ എഴുത്തുകാരനായ ശ്യാം പുഷ്ക്കരനാണ് ജോജിക്കും തിരക്കഥ ഒരുക്കിയിരിക്കുന്നത്. ഷേക്സ്പിയരുടെ വിഖ്യാത നാടകം മാക്ബത്തിന്റെ അടിസ്ഥാനത്തിൽ നിലവിലെ പശ്ചാത്തലത്തിൽ ഒരുക്കിയെടുത്ത കഥയാണ് ജോജിക്കായി തിട്ടപ്പെടുത്തിയിരിക്കുന്നത്.
മഹേഷിന്റെ പ്രതികാരത്തിന്റെ ഛായഗ്രഹകനായ ഷൈജു ഖാലിദ് തന്നെയാണ് ജോജിക്ക് ക്യാമറ കൈകാര്യം ചെയ്തിരിക്കുന്നത്. ജസ്റ്റിൻ വർഗീസാണ് ചിത്രത്തിന്റെ സംഗീതം കൈകാര്യം ചെയ്യുന്നത്. തണ്ണീർമത്തൻ ദിനങ്ങൾ, ഞണ്ടുകളുടെ നാട്ടിൽ ഒരു ഇടവേള ഇന്നീ ചിത്രങ്ങളുടെ സംഗീത ജസ്റ്റിനാണ് കൈകാര്യം ചെയ്തത്.
ഫഹദിനെ കൂടാതെ ഷമ്മി തിലകൻ, ഉണ്ണിമായ പ്രസാദ്, ബാബുരാജ്, ബേസിൽ ജോസഫ് എന്നിവരാണ് ചിത്രത്തിൽ മറ്റ് പ്രധാന വേഷങ്ങൾ കൈകര്യം ചെയ്തിരിക്കുന്നത്. ഫഹദിന്റെ പ്രൊഡക്ഷൻ സ്ഥാപനമായ ഫഹദ് ഫാസിൽ ആൻഡ് ഫ്രണ്ട്സ്, ഭാവന സ്റ്റുഡിയോസ്, വർക്കിങ് ക്ലാസ് ഹീറോ തുടങ്ങിയ ബാനറുകളുടെ കീഴിലാണ് ചിത്രം നിർമിച്ചരിക്കുന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...