Pani Movie Kannada Trailer: ഇനി കന്നഡയിൽ `പണി`; ട്രെയിലർ പുറത്ത് വിട്ടു

ജോജു ജോർജ് ആദ്യമായി സംവിധാനം ചെയ്ത ചിത്രമായ പണി കന്നഡയിലേക്കും. ഒക്ടോബർ 24ന് ആണ് ചിത്രം തിയേറ്ററുകളിൽ റിലീസ് ചെയ്തത്. മികച്ച പ്രേക്ഷകപ്രതികരണവും ബോക്സ് ഓഫീസ് വിജയവും നേടിയ ചിത്രം ഇപ്പോൾ കന്നഡിയിലും റിലീസിന് ഒരുങ്ങുകയാണ്. മലയാളത്തിന് ചിത്രം വിജയമായതിന് പിന്നാലെ ചിത്രം തമിഴിലും പുറത്തിറക്കിയിരുന്നു.

നവംബർ 22ന് ആണ് തമിഴ് പതിപ്പ് പുറത്തിറക്കിയത്. ഇപ്പോഴിതാ കന്നഡയിലും ചിത്രം റിലീസിന് ഒരുങ്ങുകയാണ്. ചിത്രത്തിന്റെ റിലീസിന് മുന്നോടിയായി കന്നഡ ട്രെയിലർ പുറത്ത് വിട്ടിരിക്കുകയാണ് അണിയറപ്രവ‍ർത്തകർ ഇപ്പോൾ. സംവിധാനത്തിനൊപ്പം ജോജു ജോർജ് ആണ് ചിത്രത്തിലെ കേന്ദ്ര കഥാപാത്രത്തെ അവതരിപ്പിച്ചത്.

സാ​ഗർ സൂര്യ, ജുനൈസ് വിപി എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിച്ചത്. അഭിനയ ആണ് ചിത്രത്തിൽ നായികയായി എത്തിയത്. ​ഗായിക അഭയ ഹിരൺമയിയും ചിത്രത്തിൽ ഒരു പ്രധാന കഥാപാത്രത്തെ അവതരിപ്പിച്ചിട്ടുണ്ട്. 110 ദിവസത്തോളം ഷൂട്ടിങ് നീണ്ടുനിന്ന ചിത്രം ബി​ഗ് ബജറ്റിലാണ് ഒരുക്കിയത്.

മാസ്, ത്രില്ലർ, റിവഞ്ച് ജോണറിലാണ് ചിത്രം ഒരുക്കിയിരിക്കുന്നത്. ജോജുവിന്റെ പ്രൊഡക്ഷൻ കമ്പനിയായ അപ്പു പാത്തു പപ്പു പ്രൊഡക്ഷൻസിന്റേയും എഡി സ്റ്റുഡിയോസിന്റേയും ശ്രീ ​ഗോകുലം മൂവീസിന്റെയും ബാനറിൽ എം റിയാസ് ആദം, സിജോ വടക്കൻ എന്നിവരാണ് ചിത്രം നിർമിച്ചിരിക്കുന്നത്.

വിഷ്ണു വിജയ്, സാം സിഎസ് എന്നിവരാണ് ചിത്രത്തിന് സം​ഗീതം ഒരുക്കിയിരിക്കുന്നത്. ഛായാ​ഗ്രഹണം- വേണു ഐ എസ് സി, ജിന്റോ ജോർജ്. എഡിറ്റർ- മനു ആന്റണി. പ്രൊഡക്ഷൻ ഡിസൈൻ- സന്തോഷ് രാമൻ. സ്റ്റണ്ട്- ദിനേശ് സുബ്ബരായൻ. കോസ്റ്റ്യൂം- സമീറ സനീഷ്. മേക്കപ്പ്- റോഷൻ എൻജി. പ്രൊഡക്ഷൻ കൺട്രോളർ- ദീപക് പരമേശ്വരൻ.