Por Thozhil OTT : തിയറ്ററുകളിൽ മികച്ച അഭിപ്രായം; തമിഴ് ചിത്രം പോർ തൊഴിലിന്റെ ഒടിടി റിലീസ് നീട്ടി
Por Thozhil OTT Release : ശരത്കുമാർ, അശോക് സെൽവനുമാണ് പോർ തൊഴിൽ സിനിമയിൽ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്.
അടുത്തിടെ റിലീസായി ദക്ഷിണേന്ത്യൻ ബോക്സ് ഓഫീസിൽ മികച്ച ചലനം സൃഷ്ടിച്ച ചിത്രമാണ് പോർ തൊഴിൽ. തിയറ്ററിന്റെ ലഭ്യത കുറവിന്റെ സാഹചര്യത്തിൽ തമിഴ് ചിത്രത്തിന്റെ ഒടിടി റിലീസിനായി കാത്തിരിക്കുകയാണ് നിരവധി പേർ. റിപ്പോർട്ടുകൾ പ്രകാരം ഇന്ന് അർധ രാത്രി മുതൽ പോർ തൊഴിൽ ഒടിടി പ്ലാറ്റ്ഫോമായ സോണി ലിവിൽ സംപ്രേഷണം ചെയ്ത് തുടങ്ങുമെന്നായിരുന്നു. എന്നാൽ ചിത്രത്തിന്റെ ഒടിടി റിലീസ് നീട്ടിയതായിട്ടാണ് തമിഴ് സിനിമ മാധ്യമങ്ങൾ നൽകുന്ന വിവരം.
ചിത്രത്തിന് തിയറ്ററുകളിൽ നിന്നും മികച്ച അഭിപ്രായം ലഭിച്ചതോടെയാണ് ഒടിടി റിലീസ് നീട്ടിവെക്കാൻ നിർമാതാക്കൾ തീരുമാനിച്ചിരിക്കുകയാണ്. ചിത്രം റിലീസായി ഒരു മാസം പിന്നിടുമ്പോഴും ബോക്സ്ഓഫീസിൽ നിന്നും മികച്ച കളക്ഷൻ തന്നെ ലഭിക്കുന്നത്. അതേതുടർന്ന് പോർ തൊഴിൽ ഇനി ജൂലൈ 28ന് ഡിജിറ്റലായി റിലീസ് ചെയ്യുന്നതായിട്ടാണ് റിപ്പോർട്ടുകൾ സൂചിപ്പിക്കുന്നത്. ജൂൺ ഒമ്പതിനാണ് പോർ തൊഴിൽ തിയറ്ററുകളിൽ റിലീസ് ചെയ്തത്.
ശരത് കുമാറും അശോക് ശെൽവനും മലയാളി താരം നിഖില വിമലും കേന്ദ്ര കഥാപാത്രങ്ങളായി എത്തുന്ന ചിത്രമാണ് പോർ തൊഴിൽ. സ്ത്രീകളെ മാത്രം തേടി പിടിച്ച് കൊല ചെയ്യുന്ന ഒരു സൈക്കോ കൊലയാളിയെ തേടിയിറങ്ങുന്ന രണ്ട് പോലീസ് ഉദ്യോഗസ്ഥരുടെ കഥയാണ് പോർ തൊഴിൽ. പ്രേക്ഷകർക്കിടയിൽ മികച്ച സ്വീകാര്യത നേടിയ ചിത്രം തിയേറ്ററുകളിൽ വിജയകരമായി പ്രദർശനം തുടരുകയാണ്.
നവാഗതനായ വിഘ്നേഷ് രാജയാണ് ചിത്രത്തിന്റെ സംവിധായകൻ. വിഷ്നേഷും ആൽഫ്രെഡ് പ്രകാശും ചേർന്നാണ് ചിത്രത്തിന്റെ രചന നിർവഹിച്ചിരിക്കുന്നത്. നിഖില വിമലിന് പുറമെ മലയാളി താരങ്ങളായ സുനിൽ സുഗത, സന്തോഷ് കീഴാറ്റൂർ തുടങ്ങിയ താരങ്ങളാണ് മറ്റു പ്രധാന വേഷത്തിലെത്തുന്നുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...