Pushpaka Vimanam: `പുഷ്പക വിമാനം` തിയേറ്ററുകലിലേക്ക്; ആലംബനാ ​ഗാനം പുറത്ത്

നവാഗതനായ ഉല്ലാസ് കൃഷ്ണ സംവിധാനം ചെയ്യുന്ന പുഷ്പകവിമാനം എന്ന ചിത്രത്തിലെ ആലംബനാ എന്ന ഗാനത്തിന്‍റെ ലിറിക് വീഡിയോ പുറത്തിറങ്ങി. രാഹുൽ രാജ് സംഗീതം നൽകിയ ഗാനം രചിച്ചത് ഫൗസിയ അബൂബക്കർ ആണ്. ​ഗാനം ആലപിച്ചത് ശ്രുതി ശിവദാസ്, ശ്രീനന്ദ ശ്രീകുമാർ, ഫിസ ജഹാംഗീർ, സനൂജ പ്രദീപ് എന്നിവരാണ്. രാജ് കുമാർ സേതുപതി അവതരിപ്പിക്കുന്ന ഈ ചിത്രം റയോണ റോസ് പ്രൊഡക്ഷൻസിൻ്റെ ബാനറിൽ ജോൺ കുടിയാൻമല, കിവിസോമൂവീസ്, നെരിയാ ഫിലിംഹൗസ് എന്നിവരാണ് ഈ ചിത്രം നിർമ്മിക്കുന്നത്. 

നഗരജീവിതത്തിൻ്റെ പശ്ചാത്തലത്തിലൂടെ സൗഹൃദത്തിൻ്റേയും അതിജീവനത്തിൻ്റേയും കഥ രസാവഹമായ മുഹൂർത്തങ്ങളിലൂടെ അവതരിപ്പിക്കുകയാണ് ഈ ചിത്രത്തിലൂടെ. സിജു വിൽസൻ, നമുത(വേല ഫെയിം) ബാലു വർഗീസ്, എന്നിവർ കേന്ദ്രകഥാപാത്രങ്ങളെ അവതരിപ്പിക്കുന്ന ഈ ചിത്രത്തിൽ സിദ്ദിഖ്, ധീരജ് ഡെന്നി, മനോജ്. കെ.യു എന്നിവരും സുപ്രധാനമായ കഥാപാത്രങ്ങളെ അവതരിപ്പിക്കുന്നു. ചിത്രം ഒക്ടോബർ 4ന് തിയേറ്ററുകളിലെത്തും.

പത്മരാജ് രതീഷ്, സോഹൻ സീനുലാൽ, ഷൈജു അടിമാലി, ജയകൃഷ്ണൻ, ഹരിത്, വിശിഷ്ട്(മിന്നൽ മുരളി ഫെയിം) എന്നിവരും മലയാളത്തിലെ മറ്റൊരു ബഹുമുഖ പ്രതിഭയും ഈ ചിത്രത്തിൽ പ്രധാന വേഷത്തിലെത്തുന്നു. സന്ധീപ് സദാനന്ദനും, ദീപു .എസ് .നായരുമാണ് ഈ ചിത്രത്തിൻ്റെ തിരക്കഥ രചിച്ചിരിക്കുന്നത്. സംഗീതം -രാഹുൽ രാജ് ഛായാഗ്രഹണം - രവി ചന്ദ്രൻ, എഡിറ്റിംഗ് - അഖിലേഷ് മോഹൻ. കലാസംവിധാനം -അജയ് മങ്ങാട്.

മേക്കപ്പ് - ജിത്തു പയ്യന്നൂർ. കോസ്റ്റും - ഡിസൈൻ - അരുൺ മനോഹർ പ്രൊഡക്ഷൻ മാനേജർ - നജീർ. പ്രൊഡക്ഷൻ എക്സിക്കുട്ടീവ് - പ്രസാദ് നമ്പ്യാങ്കാവ്. പ്രൊഡക്ഷൻ കൺട്രോളർ- പ്രശാന്ത് നാരായണൻ. ചിത്രം ആരിഫാ പ്രൊഡക്ഷൻസ് പ്രദർശനത്തിനെത്തിക്കുന്നു. വാഴൂർ ജോസ്.