Secret Movie: എസ് എൻ സ്വാമി ആദ്യമായി സംവിധാനം ചെയ്യുന്നു; `സീക്രട്ട്` ട്രെയിലറെത്തി

പ്രശസ്ത തിരക്കഥാകൃത്ത് എസ്.എൻ. സ്വാമി തിരക്കഥ രചിച്ച് ആദ്യമായി സംവിധാനം ചെയ്യുന്ന സീക്രട്ട് എന്ന ചിത്രത്തിൻ്റെ ട്രെയിലർ പുറത്തുവിട്ടു. 2 മണിക്കൂർ 8 സെക്കൻഡ് ദൈർഘ്യമുള്ള ട്രെയിലർ ഉദ്വേ​ഗം നിറയ്ക്കുന്നതാണ്. ധ്യാൻ ശ്രീനിവാസൻ നായകനാകുന്ന ഈ ചിത്രത്തിൽ അപർണ്ണാ ദാസാണ് നായിക. രൺജി പണിക്കർ, രഞ്ജിത്ത്, ഗ്രിഗറി, സ്മിനു സിജോ, ആർദ്ര എന്നിവരും ഏതാനും പുതുമുഖങ്ങളും ഈ ചിത്രത്തിൽ പ്രധാന വേഷമണിയുന്നു. 

സംഗീതം - ജെയ്ക്ക്സ് ബിജോയ്.  ഛായാഗ്രഹണം - ജാക്സൻ ജോൺസൺ കലാസംവിധാനം - സിറിൾ കുരുവിള, നിർമ്മാണ നിർവ്വഹണം - അരോമ മോഹൻ ലഷ്മി പാർവ്വതി ഫിലിംസിൻ്റെ ബാനറിൽ, രാജേന്ദ്രപ്രസാദാണ് ഈ ചിത്രം നിർമ്മിക്കുന്നത്. നിർമ്മാണ പ്രവർത്തനങ്ങൾ പൂർത്തിയായി വരുന്ന ഈ ചിത്രം ജൂലൈ ഇരുപത്തിയാറിന് പ്രദർശനത്തിനെത്തുന്നു. വാഴൂർ ജോസ്.

Adios Amigo Release: പിന്നെയും മാറ്റി; 'അഡിയോസ് അമി​ഗോ' ആദ്യം പറഞ്ഞ ഡേറ്റിൽ തന്നെ എത്തും!!

ആസിഫ് അലി, സുരാജ് വെഞ്ഞാറമ്മൂട് എന്നിവർ കേന്ദ്ര കഥാപാത്രങ്ങളാകുന്ന ചിത്രമാണ് അഡിയോസ് അമി​ഗോ. നവാ​ഗത സംവിധായകൻ നഹാസ് നാസർ ആണ് ചിത്രം സംവിധാനം ചെയ്യുന്നത്. തല്ലുമാലയുടെയേയും അയൽ വാശിയുടെയേയും സഹ സംവിധായനായിരുന്നു നഹാസ് നാസർ. ചിത്രത്തിന്റെ റിലീസ് തിയതി പിന്നെയും മാറ്റി. നേരത്തെ പറഞ്ഞ അതേ തിയതിയിൽ തന്നെ ചിത്രമെത്തും. ഓ​ഗസ്റ്റ് 2ന് ചിത്രം തിയേറ്ററുകളിലെത്തും.

എന്നും മികച്ച ചിത്രങ്ങൾ ഒരുക്കി പ്രേക്ഷക പ്രശംസകളും ഏറ്റു വാങ്ങുന്ന നിർമ്മാതാക്കളിൽ ഒരാളാണ് ആഷിഖ് ഉസ്മാൻ. ആഷിഖിന്റെ 'ആഷിഖ് ഉസ്മാൻ പ്രൊഡക്ഷൻസ്' എന്ന നിർമ്മാണ കമ്പനിയാണ് ഈ ചിത്രം നിർമ്മിക്കുന്നത്. 'കെട്ടിയോളാണെന്റെ മാലാഖ'എന്ന സൂപ്പർ ഹിറ്റ് സിനിമക്ക് ശേഷം അജി പീറ്റർ തങ്കം തിരക്കഥ ഒരുക്കുന്ന ചിത്രം കൂടിയാണിത്. ജിംഷി ഖാലിദ് ആണ് ക്യാമറ കൈകാര്യം ചെയ്യുന്നത്. 

നിഷാദ് യൂസഫ് ആണ് ചിത്രത്തിന്റെ എഡിറ്റർ. വിനായക് ശശികുമാറിന്റെ വരികൾക്ക് ​ഗോപി സുന്ദർ, ജേക്ക്സ് ബിജോയ് എന്നിവർ ചേർന്നാണ് ഈണം നൽകിയിരിക്കുന്നത്. ജേക്ക്സ് ബിജോയ് ആണ് ബിജിഎം ചെയ്തിരിക്കുന്നത്. ഓഡിയോ​ഗ്രഫി വിഷ്ണു ​ഗോവിന്ദ്. സെൻട്രൽ പിക്ചേഴ്സ് ആണ് ചിത്രം റിലീസിനെത്തിക്കുന്നത്.