Sonam Kapoor Son Name: കുഞ്ഞുവാവയുടെ പേര് ആരാധകരുമായി പങ്കുവച്ച് സോനം കപൂര്‍
ബോളിവുഡ് താരം സോനം കപൂറും ബിസിനസുകാരനായ ഭർത്താവ് ആനന്ദ് അഹൂജയും തങ്ങളുടെ മകന്‍റെ പേര് ആരാധകരുമായി പങ്കുവച്ചു. ഹിന്ദു ദൈവവുമായി ബന്ധപ്പെട്ട പേരാണ് ദമ്പതികള്‍ മകന് നല്‍കിയിരിയ്ക്കുന്നത്.
Sonam Kapoor Son Name: ബോളിവുഡ് താരം സോനം കപൂറും ബിസിനസുകാരനായ ഭർത്താവ് ആനന്ദ് അഹൂജയും തങ്ങളുടെ മകന്‍റെ പേര് ആരാധകരുമായി പങ്കുവച്ചു. ഹിന്ദു ദൈവവുമായി ബന്ധപ്പെട്ട പേരാണ് ദമ്പതികള്‍ മകന് നല്‍കിയിരിയ്ക്കുന്നത്.
കുഞ്ഞ് ജനിച്ച് ഒരു മാസത്തിനു ശേഷമാണ് ഇരുവരും മകന്‍റെ പേര് വെളിപ്പെടുത്തിയത്. ഇരുവരുടേയും ഇൻസ്റ്റാഗ്രാം ഹാൻഡിൽ മൂന്ന് പേരും ചേര്‍ന്നുള്ള മനോഹരമായ ഒരു ചിത്രം പങ്കിട്ടുകൊണ്ടാണ് ദമ്പതികൾ തങ്ങളുടെ മകന്‍റെ പേര് വെളുപ്പെടുത്തിയത്. മകന്‍റെ പേരും അതിന്‍റെ അര്‍ത്ഥവും ആ പേര് നല്‍കാനുള്ള കാരണവും ദമ്പതികള്‍ ആരാധകരുമായി പങ്കുവച്ചു.
ചിത്രം ഇതിനകം തന്നെ സോഷ്യൽ മീഡിയയിൽ വൈറലാണ്. ഈ ചിത്രത്തില്‍ മൂവരേയും ഒരുമിച്ചു കണ്ട ആരാധകര്‍ ഇരുവരുടെയും പ്രണയം വാനോളമുയർത്തുകയാണ്. ഏറെ വാത്സല്യത്തോടെ സോനം കപൂറും ആനന്ദ് അഹൂജയും മകനോട് സ്നേഹം ചൊരിയുന്നതാണ് ഫോട്ടോയിൽ. ചിത്രത്തില്‍ മഞ്ഞ നിറത്തിലുള്ള പരമ്പരാഗത വസ്ത്രത്തിലാണ് മൂവരും കാണപ്പെടുന്നത്.
സോനം കപൂറും ആനന്ദ് അഹൂജയും തങ്ങളുടെ മകന് വായു കപൂർ അഹൂജ എന്നാണ് പേരിട്ടിരിയ്ക്കുന്നത്. അതിന്‍റെ അര്‍ത്ഥവും ആ പേര് നല്‍കാനുള്ള കാരണവും ദമ്പതികള്‍ വ്യക്തമാക്കി. വായു പഞ്ചഭൂതങ്ങളിൽ ഒന്നാണ് എന്നും വായു ഹനുമാൻ, ഭീമൻ, മാധവ് എന്നിവരുടെ ആത്മീയ പിതാവാണെന്നും സോനം കുറിച്ചു. ഞങ്ങളുടെ മകൻ വായു കപൂർ അഹൂജയ്ക്കുവേണ്ടി ഞങ്ങൾ അനുഗ്രഹം തേടുന്നതായി പോസ്റ്റ് ഷെയർ ചെയ്തുകൊണ്ട് ദമ്പതികള്‍ കുറിച്ചു.
സോനത്തിന്‍റെയും ആനന്ദിന്‍റെയും മകന്‍റെയും ആദ്യ ദൃശ്യം കാണാം...
സോനം കപൂറും ആനന്ദ് അഹൂജയും തിങ്കളാഴ്ചയാണ് മകന് ജനിച്ച് ഒരു മാസം പിന്നിടുന്ന അവസരത്തില്‍ കുഞ്ഞിന്‍റെ പേര് ആരാധകരുമായി പങ്കുവച്ചത്. ആഗസ്റ്റ്‌ 20നാണ് സോനം കപൂര്‍ അമ്മയായത്.
കുഞ്ഞ് ജനിച്ചപ്പോള്‍ സോനത്തിന്‍റെ സഹോദരി റിയ കപൂർ ആശുപത്രിയിൽ നിന്നുള്ള ചില ചിത്രങ്ങള്‍ പങ്കുവച്ചിരുന്നുവെങ്കിലും കുഞ്ഞിന്‍റെ മുഖം ഇതുവരെ ആരാധകരുമായി പങ്കുവച്ചിട്ടില്ല...
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...