Sthanarthi Sreekuttan: സൈജു കുറുപ്പ് - അജു വർഗീസ് ചിത്രം `സ്താനാർത്തി ശ്രീകുട്ടൻ` വരുന്നു; ടൈറ്റിൽ പോസ്റ്റർ പുറത്തുവിട്ടു
Sthanarthi Sreekuttan : ഇതൊരു സ്കൂൾ ഡ്രാമ ചിത്രമായിരിക്കുമെന്നാണ് ചിത്രത്തിൻറെ ടൈറ്റിൽ പോസ്റ്റർ നൽകുന്ന സൂചന. നവാഗത സംവിധായകനായ വിനീഷ് വിശ്വനാഥനാണ് ചിത്രം സംവിധാനം ചെയ്യുന്നത്.
സൈജു കുറുപ്പും അജു വർഗീസും പ്രധാന കഥാപാത്രങ്ങളായി എത്തുന്ന പുതിയ ചിത്രത്തിന്റെ ടൈറ്റിൽ പോസ്റ്റർ പുറത്തുവിട്ടു. ചിത്രത്തിന് സ്താനാർത്തി ശ്രീകുട്ടൻ എന്നാണ് പേര് നല്കിയിരിക്കുന്നത്. ഇതൊരു സ്കൂൾ ഡ്രാമ ചിത്രമായിരിക്കുമെന്നാണ് ചിത്രത്തിൻറെ ടൈറ്റിൽ പോസ്റ്റർ നൽകുന്ന സൂചന. സൈജു കുറുപ്പും, ഇന്ദ്രജിത് സുകുമാരനും തങ്ങളുടെ ഔദ്യോഗിക സോഷ്യൽ മീഡിയ അക്കൗണ്ടുകളിലൂടെയാണ് ചിത്രത്തിൻറെ ടൈറ്റിൽ പോസ്റ്റർ പുറത്തുവിട്ടിരിക്കുന്നത്. നവാഗത സംവിധായകനായ വിനീഷ് വിശ്വനാഥനാണ് ചിത്രം സംവിധാനം ചെയ്യുന്നത്. മുരളീകൃഷ്ണൻ, ആനന്ദ് മന്മദൻ, കൈലാഷ് എസ് ഭവൻ, സംവിധായകനായ വിനീഷ് വിശ്വനാഥൻ എന്നിവർ ചേർന്നാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്.
ചിത്രത്തിൽ സൈജു കുറുപ്പ്, അജു വർഗീസ് എന്നിവരെ കൂടാതെ ജോണി ആന്റണിയും കുറച്ച് കുട്ടികളും ചിത്രത്തിൽ പ്രധാന കഥാപാത്രങ്ങളായി എത്തുന്നുണ്ട്. ബജറ്റ് ലാബ് പ്രൊഡക്ഷൻസിന്റെ ബാനറിൽ നിഷാന്ത് പിള്ള, മുഹമ്മദ് റാഫി എംഎ എന്നിവർ ചേർന്നാണ് ചിത്രം നിർമ്മിക്കുന്നത്. അതേസമയം സൈജു കുറുപ്പിന്റെ പുറത്തിറങ്ങാനിരിക്കുന്ന അടുത്ത ചിത്രം ഷെയിൻ നിഗം നായകനാകുന്ന ബെർമുഡയാണ്. ചിത്രം ആഗസ്റ്റ് മാസം 19ന് തിയേറ്ററുകളിൽ എത്തും. കോമഡി എന്റെർറ്റൈനെർ വിഭാഗത്തിൽപ്പെടുന്ന ചിത്രമാണ് ബർമുഡ. ടി.കെ രാജീവ്കുമാറാണ് ബർമുഡ സംവിധാനം ചെയ്യുന്നത്. ജൂലൈ 29ന് പ്രേക്ഷകർക്ക് മുന്നിലെത്തിക്കാനിരുന്ന ചിത്രമാണ് ബർമുഡ. എന്നാൽ ചില സാങ്കേതിക കാരണങ്ങളാണ് ചിത്രത്തിൻറെ റിലീസ് മാറ്റി വെക്കുകയായിരുന്നു.
ALSO READ: Gunda Jayan 2 : ഉപചാരപൂർവ്വം ഗുണ്ടജയൻ വീണ്ടും വരുന്നു; രണ്ടാം ഭാഗം പ്രഖ്യാപിച്ചു
കശ്‍മീരി നടി ഷെയ്ലീ കൃഷന്‍ ആണ് ബർമൂഡയിൽ ഷെയ്ൻ നിഗത്തിന്റെ നായികയായി എത്തുന്നത്. സന്തോഷ് ശിവന്‍റെ 'ജാക്ക് ആന്‍ഡ് ജില്‍', 'മോഹ' എന്നീ ചിത്രങ്ങളിലും ഷെയ്ലീ അഭിനയിച്ചിട്ടുണ്ട്. മോഹൻലാൽ ഗായകനായി എത്തുന്നുവെന്ന പ്രത്യേകതയും ഈ ചിത്രത്തിനുണ്ട്. സബ് ഇന്‍സ്പെക്ടര്‍ ജോഷ്വയുടെ അടുത്ത് ഇന്ദുഗോപന്‍ ഒരു പരാതിയുമായി എത്തുന്നതോടെയാണ് ചിത്രത്തിന്റെ കഥാവികാസം സംഭവിക്കുന്നത്. സബ് ഇൻസ്പെക്ടർ ജോഷ്വയായി വേഷമിടുന്നത് വിനയ് ഫോര്‍ട്ട് ആണ്. സൈജു കുറുപ്പ് ചിത്രത്തിൽ വക്കീൽ വേഷത്തിലാണ് എത്തുന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...