Saran Raj Death: നടൻ ഓടിച്ചിരുന്ന കാറിടിച്ച് തമിഴ് യുവ സംവിധായകൻ ശരൺ രാജിന് ദാരുണാന്ത്യം
സപ്പോർട്ടിംഗ് ആർട്ടിസ്റ്റായ പളനിയപ്പന്റെ കാറും ശരൺ സഞ്ചരിച്ച ബൈക്കും കൂട്ടിയിടിച്ചായിരുന്നു അപകടം നടന്നത്
ചെന്നൈ: തമിഴ് നടനും യുവ സംവിധാനയകനുമായ ശരൺ രാജ് വാഹനാപകടത്തിൽ മരിച്ചു. 29 വയസായിരുന്നു. ചെന്നൈയിലെ കെകെ നഗറിൽ വച്ച് കഴിഞ്ഞ ദിവസം രാത്രി നടന്ന അപകടത്തിലായിരുന്നു യുവ സംവിധായകന്റെ ജീവൻ പൊലിഞ്ഞത്. തമിഴ് സംവിധായകൻ വെട്രിമാരന്റെ അസിസ്റ്റന്റായിരുന്നു മരിച്ച ശരൺ.
Also Read: Kollam Sudhi Died: പ്രശസ്ത ഹാസ്യ താരം കൊല്ലം സുധി വാഹനാപകടത്തിൽ മരിച്ചു
സപ്പോർട്ടിംഗ് ആർട്ടിസ്റ്റായ പളനിയപ്പന്റെ കാറും ശരൺ സഞ്ചരിച്ച ബൈക്കും കൂട്ടിയിടിച്ചായിരുന്നു അപകടം നടന്നത്. ശരൺ താമസ സ്ഥലത്തേക്ക് പോകവെയായിരുന്നു അപകടം. ഉടൻ തന്നെ ശരണിനെ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. അപകടം നടക്കുമ്പോൾ പളനിയപ്പൻ മദ്യപിച്ചിരുന്നതായിട്ടാണ് റിപ്പോർട്ട്.
അപകടത്തെ തുടർന്ന് പോലീസ് അന്വേഷം ആരംഭിച്ചിട്ടുണ്ട്. ശരണിന്റെ അകാല വിയോഗത്തിന്റെ ഞെട്ടലിലാണ് അദ്ദേഹത്തിൻറെ കുടുംബവും സുഹൃത്തുക്കളും തമിഴ് സിനിമാ ലോകവും. വെട്രിമാരന്റെ വാടചെന്നൈ എന്ന സിനിമയിൽ സഹ സംവിധായകനായി പ്രവർത്തിച്ചിരുന്നു ശരൺ. വാടാചെന്നൈ, അസുരൻ എന്നീ ചിത്രങ്ങളിൽ അദ്ദേഹം അഭിനയിച്ചിട്ടുമുണ്ട്. സഹനടനായി അഭിനയിക്കുന്ന പളനിയപ്പൻ ഒടുവിൽ അഭിനയിച്ചത് രജനി മുരുകൻ, ചന്ദ്രമുഖി-2 എന്നീ ചിത്രങ്ങളിലായിരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...