Thanara Movie: ചിരിപ്പിച്ച് കളറാക്കാൻ റാഫിയുടെ `താനാരാ`; ട്രെയിലർ പുറത്തിറങ്ങി

ചിരിപടങ്ങളുടെ ഒരു വലിയ ലിസ്റ്റ് തന്നെ സമ്മാനിച്ച റാഫിയുടെ പുതിയ ചിത്രമാണ് 'താനാരാ'. ചിത്രത്തിന്റെ ട്രെയിലർ പുറത്തിറക്കിയിരിക്കുകയാണ് അണിയറപ്രവർത്തകർ. ഫഹദ് ഫാസിലിന്റെ ഫേസ്ബുക്ക് പേജിലൂടെയാണ് ട്രെയിലർ റിലീസ് ചെയ്തത്. സമൂഹമാധ്യമങ്ങളിൽ വലിയ ശ്രദ്ധ നേടിയിരിക്കുകയാണ് ചിത്രത്തിന്റെ ട്രെയിലർ. വിഷ്ണു ഉണ്ണികൃഷ്ണൻ, ഷൈൻ ടോം ചാക്കോ, അജു വർഗീസ് എന്നിവർ കേന്ദ്രകഥാപാത്രങ്ങളായെത്തുന്ന സിനിമ ഒരു മുഴുനീള കോമഡി എന്റർടൈനർ ആയാണ് ഒരുക്കിയിരിക്കുന്നത്.

ജോർജുകുട്ടി കെയർ ഓഫ് ജോർജുകുട്ടി, ഇന്ദ്രപ്രസ്ഥം, ഊട്ടി പട്ടണം, കിന്നരിപ്പുഴയോരം തുടങ്ങിയ ചിത്രങ്ങളിലൂടെ ശ്രദ്ധേയനായ ഹരിദാസ് ആണ് ചിത്രം സംവിധാനം ചെയ്തിരിക്കുന്നത്. ഓഗസ്റ്റ് ഒമ്പതിന് തിയേറ്ററുകളിൽ പ്രദർശനത്തിനെത്തുന്ന ചിത്രം നിർമിച്ചിരിക്കുന്നത് വൺ ഡേ ഫിലിംസിന്റെ ബാനറിൽ ബിജു വി മത്തായി ആണ്. രസകരമായ രംഗങ്ങൾ കൊണ്ട് തന്നെ ട്രെയിലർ ശ്രദ്ധേയമായതിനാൽ വളരെ പ്രതീക്ഷയോടെയാണ് പ്രേക്ഷകർ ചിത്രത്തിന് വേണ്ടി കാത്തിരിക്കുന്നത്.

ജിബു ജേക്കബ്, ദീപ്തി സതി, ചിന്നു ചാന്ദിനി, സ്നേഹ ബാബു തുടങ്ങിയവരാണ് ചിത്രത്തിലെ മറ്റ് അഭിനേതാക്കൾ. സുജ മത്തായി ആണ് ചിത്രത്തിന്റെ സഹ നിർമാതാവ്. എക്സിക്യൂട്ടീവ് പ്രൊഡ്യൂസഴ്സ്- കെ.ആർ. ജയകുമാർ, ബിജു എം.പി. ഛായാ​ഗ്രഹണം- വിഷ്ണു നാരായണൻ. സം​ഗീതം- ഗോപി സുന്ദർ. എഡിറ്റിംഗ്- വി സാജൻ. ഗാനരചന- ബി.കെ ഹരിനാരായണൻ. പ്രൊഡക്ഷൻ കൺട്രോളർ- ഡിക്സൺ പോഡുത്താസ്. കോ ഡയറക്ടർ- ഋഷി ഹരിദാസ്.

ചീഫ് അസോസിയേറ്റ് ഡയറക്ടർ- റിയാസ് ബഷീർ, രാജീവ് ഷെട്ടി. കലാസംവിധാനം- സുജിത് രാഘവ്. വസ്ത്രാലങ്കാരം- ഇർഷാദ് ചെറുകുന്ന്. മേക്കപ്പ്- കലാമണ്ഡലം വൈശാഖ്, ഷിജു കൃഷ്ണ. പ്രൊഡക്ഷൻ എക്സിക്യൂട്ടീവ്- പ്രവീൺ എടവണ്ണപ്പാറ, ജോബി ആന്റണി. സ്റ്റിൽസ്- മോഹൻ സുരഭി. ഡിസൈൻ- ഫോറസ്റ്റ് ഓൾ വേദർ. പി.ആർ.ഒ- വാഴൂർ ജോസ്, നിയാസ് നൗഷാദ്. ഡിജിറ്റൽ മാർക്കറ്റിംഗ്- ഒബ്സ്ക്യൂറ എന്റർടെയ്ൻമെന്റ്സ്. ഗുഡ്‌വിൽ എന്റർടൈൻമെൻറ്സും വൺ ഡേ ഫിലിംസും ചേർന്നാണ് ചിത്രം വിതരണത്തിന് എത്തിക്കുന്നത്.