അനുചിതമായി നിന്നെ സ്പര്‍ശിച്ചിട്ടുണ്ടോ? വെളിപ്പെടുത്തലുകളുമായി സ്ത്രീകള്‍!!

വേദനാജനകമായ യാഥാർത്ഥ്യങ്ങൾ വെളിപ്പെടുത്തി സ്ത്രീകള്‍ പങ്കുവയ്ക്കുന്ന ‘Never have I ever’ വീഡിയോകള്‍ സമൂഹ മാധ്യമങ്ങളില്‍ വൈറലാകുന്നു. 

ജനപ്രിയ ഗെയിമായ ‘Never have I ever’ന്‍റെ സ്ത്രീകളുടെ പതിപ്പിലൂടെയാണ് വെളിപ്പെടുത്തലുകള്‍. ഓരോ ചോദ്യങ്ങള്‍ ചോദിക്കുമ്പോഴും അതിനു ശരി എന്നാണ് മറുപടിയെങ്കില്‍  വിരലുകള്‍ മടക്കണമെന്നാണ് കളിയിലെ നിയമം. 

ബ്യൂട്ടി കമ്പനി സിഇഒയും മേക്കപ്പ് ആർട്ടിസ്റ്റുമായ സാറാ ബിഗേഴ്സ്-സ്റ്റുവാർട്ട് ആണ് ഗെയിമിന്‍റെ ഈ പതിപ്പ് ആദ്യമായി ടിക് ടോക്കില്‍ ആരംഭിച്ചത്. 32,000ല്‍ അധികം പേര്‍ ഇതുവരെ കണ്ട ഈ വീഡിയോയില്‍ സ്ത്രീകളുടെ ജീവിതത്തില്‍ നേരിട്ടേക്കാവുന്ന കാര്യങ്ങളെ കുറിച്ചാണ് ചോദിക്കുന്നത്. 

നിങ്ങളെ ആരെങ്കിലും പിന്തുടര്‍ന്നിട്ടുണ്ടോ? സുഹൃത്തുക്കളോ നിങ്ങളോ മയക്കുമരുന്ന് ഉപയോഗിച്ചിട്ടുണ്ടോ? അനുവാദമില്ലാതെ ആരെങ്കിലും നിങ്ങളുടെ ശരീരത്തില്‍ സ്പര്‍ശിച്ചിട്ടുണ്ടോ? ഇങ്ങനെയാണ് അവയില്‍ ചില ചോദ്യങ്ങള്‍.  കഴിഞ്ഞ മാസമാണ് തന്‍റെ ടിക് ടോക് അക്കൗണ്ടില്‍ സാറ ഈ വീഡിയോ പങ്കുവച്ചത്. പിന്നാലെ പതിനായിരത്തിലധികം പേര്‍ ഇത് അനുകരിച്ചു.