French Open 2021 : കളിമൺ കോർട്ടിൽ 40 വർഷത്തിന് ശേഷം ആദ്യമായി ഒരു ചെക്ക് വനിതാ താരം കിരീടം ചൂടി, ഫ്രഞ്ച് ഓപ്പൺ കിരീടം ബാർബറ ക്രെജിക്കോവയ്ക്ക്

French Open 2021 വനിതാ കിരീടം ചെക്ക് റിപ്പബ്ലിക്ക് താരം ബാർബറ ക്രെജിക്കോവയ്ക്ക്. 40ത് വർഷത്തിന് ശേഷം ആദ്യമായിട്ടാണ് ഒരു ചെക്ക് വനിതാ താരം ഫ്രഞ്ച് കിരീടം സ്വന്തമാക്കുന്നത്.

33-ാം റാങ്കുകാരിയായ ക്രെജിക്കോവ റഷ്യയുടെ അനസ്താസിയ പവ്ലുചെങ്കോവയുടെ വെല്ലിവിളിയെ അതിജീവിച്ചാണ് തന്റെ ആദ്യ ഗ്രാൻഡ് സ്ലാം സ്വന്തമാക്കുന്നത്. സ്കോർ 6-1,2-6,6-4

ഇതിന് മുമ്പ് റോളണ്ട് ഗാരോസിൽ കിരീടം സ്വന്തമാക്കു ചെക്ക് വനിതാ താരം ഹന മന്ദ്ലികോവയാണ്. 1981ലാണ് മന്ദ്ലികോവ കിരീടം സ്വന്തമാക്കുന്നത്. അന്ന് ചെക്കോസ്ലോവാക്യക്ക് വേണ്ടിയാണ് ഫ്രഞ്ച് ഓപ്പണിൽ പ്രതിനിധീകരിച്ചത്.

സീഡില്ലായിരുന്ന ക്രെജിക്കോവ 31-ാം സീഡുകാരി പവ്ലുചെങ്കോവയെയാണ് ഫൈനലിൽ തകർത്തത്. 

ആദ്യ സെറ്റ് പിടിച്ചെടുത്ത ക്രെജിക്കോവ രണ്ട് സെറ്റിൽ ഒന്ന് നഷ്ടപ്പെട്ടു. പിന്നിട് മികച്ച പോരാട്ടം പുറത്തെടുത്ത് കീരിടം സ്വന്തമാക്കുകയായിരുന്നു.