Health Benefits Of Kiwi: പോഷകസമ്പുഷ്ടം... അറിയാം കിവിയുടെ ഗുണങ്ങൾ
നിരവധി ആരോഗ്യ ഗുണങ്ങളുള്ള പോഷക സമ്പുഷ്ടമായ ഫലമാണ് കിവി. കിവി ഭക്ഷണത്തിൽ ഉൾപ്പെടുത്തുന്നത് നിരവധി ഗുണങ്ങൾ നൽകും.
വിറ്റാമിൻ എ, ബി6, ബി12, ഇ, പൊട്ടാസ്യം, കാത്സ്യം, മഗ്നീഷ്യം, ഇരുമ്പ് എന്നിവയാൽ സമ്പന്നമായ കിവിയിൽ കലോറി കുറവാണ്.
വൈറൽ പനി, ജലദോഷം തുടങ്ങിയ രോഗങ്ങളിൽ നിന്ന് സംരക്ഷണം നൽകുന്നതിന് കിവി മികച്ചതാണ്. ഇത് രോഗപ്രതിരോധ ശക്തി വർധിപ്പിക്കുന്നതിന് സഹായിക്കുന്നു.
ഡെങ്കിപ്പനി ബാധിതരിൽ പ്ലേറ്റ്ലറ്റുകളുടെ എണ്ണം കുറയും. കിവിയിലെ ഉയർന്ന വിറ്റാമിൻ സി ഉള്ളടക്കം പ്ലേറ്റ്ലറ്റുകളുടെ എണ്ണം വർധിപ്പിക്കാൻ സഹായിക്കും.
കിവിയിൽ ആൻറി ഓക്സിഡൻറുകൾ ധാരാളമായി അടങ്ങിയിരിക്കുന്നു. ഇത് ഫ്രീ റാഡിക്കലുകൾ മൂലമുണ്ടാകുന്ന നാശത്തിൽ നിന്ന് കോശങ്ങളെ സംരക്ഷിക്കുന്നു.
കിവിയിലെ വിറ്റാമിൻ സി, പോളിഫെനോൾസ്, പൊട്ടാസ്യം എന്നിവ ഹൃദയത്തിൻറെ ആരോഗ്യത്തിന് ഗുണം ചെയ്യുന്നു. ഇത് രക്തത്തിലെ കൊഴുപ്പ് (ട്രൈഗ്ലിസറൈഡുകൾ) കുറയ്ക്കുന്നതിന് സഹായിക്കുന്നു. (Disclaimer: ഈ വാർത്ത പൊതുവായ വിവരങ്ങളെ അടിസ്ഥാനമാക്കിയുള്ളതാണ്. ഒരു മെഡിക്കൽ വിദഗ്ധന്റെ ഉപദേശത്തിന് പകരമല്ല.)