Santhosh Trophy: കർണ്ണാടകയെ മൂന്നിനെതിരെ ഏഴു ഗോളുകൾക്ക് തകർത്ത് കേരളം ഫൈനലിൽ
Santhosh Trophy 2022: സന്തോഷ് ട്രോഫിയില്‍ കേരളം ഫൈനലിൽ. സെമി ഫൈനലിൽ മൂന്നിനെതിരെ എഴ് ഗോളുകള്‍ക്കാണ് കേരളം കര്‍ണാടകയെ തകര്‍ത്തത്. കേരളത്തിനായി ജെസിന്‍ 5 ഗോളുകൾ നേടിയപ്പോൾ അര്‍ജുനും ഷെഗിലും ഓരോ ഗോള്‍ വീതം സ്വന്തമാക്കി. 24 മത്തെ മിനിറ്റില്‍ ഒരു ഗോളിന് പിന്നിലായി നിന്ന ശേഷമാണ് കേരളം കളിയിലേക്ക് മടങ്ങിയെത്തിയതും ഗോളടി മേളം ആരംഭിച്ചതും.
മഞ്ചേരി: Santhosh Trophy 2022: സന്തോഷ് ട്രോഫിയില്‍ കേരളം ഫൈനലിൽ. സെമി ഫൈനലിൽ മൂന്നിനെതിരെ എഴ് ഗോളുകള്‍ക്കാണ് കേരളം കര്‍ണാടകയെ തകര്‍ത്തത്. കേരളത്തിനായി ജെസിന്‍ 5 ഗോളുകൾ നേടിയപ്പോൾ അര്‍ജുനും ഷെഗിലും ഓരോ ഗോള്‍ വീതം സ്വന്തമാക്കി. 24 മത്തെ മിനിറ്റില്‍ ഒരു ഗോളിന് പിന്നിലായി നിന്ന ശേഷമാണ് കേരളം കളിയിലേക്ക് മടങ്ങിയെത്തിയതും ഗോളടി മേളം ആരംഭിച്ചതും.
Also Read: ഗോളടിക്കടാ മോനെ; സന്തോഷ് ട്രോഫിക്ക് ആവേശം കൂട്ടി ഫാൻ സോങ്ങ്
30 മത്തെ മിനിറ്റില്‍ പകരക്കാരനായി ഇറങ്ങിയ ജെസിന്റെ ഹാട്രിക് പ്രകടനമാണ് കേരളത്തെ കളിയിലേക്ക് തിരിച്ചുകൊണ്ടുവന്നത്. ഇതാദ്യമായാണ് സന്തോഷ് ട്രോഫി മത്സരത്തില്‍ കേരളം അഞ്ച് ഗോള്‍ നേടിയത്.
കേരള-കര്‍ണാടക മത്സരത്തിന്റെ ആദ്യ പകുതി സെമി ഫൈനലിന്റെ എല്ലാ പോരാട്ടവീര്യവും കണ്ടതായിരുന്നു . കഴിഞ്ഞ മത്സരത്തില്‍ ഇറങ്ങിയ ആദ്യ ഇലവനില്‍ സല്‍മാന് പകരക്കാരനായി നിജോ ഗില്‍ബേര്‍ട്ടിനെ ഉള്‍പ്പെടുത്തിയാണ് കേരളം ഇറങ്ങിയത്. ആദ്യ മിനിട്ടുകളില്‍ പതിയെ തുടങ്ങിയ കേരളം പിന്നീട് അറ്റാക്കിങിന്റെ രീതി മാറ്റുകയായിരുന്നു. നിരവധി അവസരങ്ങള്‍ കേരളത്തിന് ലഭിച്ചെങ്കിലും ഓഫ് സൈഡ് വില്ലനായി.
Also Read: ബെൻ സ്റ്റോക്ക് ഇംഗ്ലണ്ടിന്‍റെ പുതിയ ടെസ്റ്റ് ക്യാപ്റ്റൻ
നേരത്തെ ആസീഫ് സഫീറാണ് കേരളത്തിനായി സന്തോഷ് ട്രോഫിയില്‍ കുടുതല്‍ ഗോളുകള്‍ നേടിയത്. അന്ന് നാലുഗോളുകളാണ് സഫീർ അടിച്ചുകൂട്ടിയത്. ഫൈനലിൽ മണിപ്പൂർ- ബംഗാൾ സെമി ഫൈനലിലെ വിജയികളുമായി കേരളം ഏറ്റുമുട്ടും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...