ഹാര്‍ദിക്കിന്റെ മടിയില്‍ തലവച്ച് നടാഷ... `കുടുംബ ചിത്രം` ഏറ്റെടുത്ത് ആരാധകര്‍!!

ക്രിക്കറ്റ് താരം ഹാർദിക് പാണ്ഡ്യയുടെയും പങ്കാളിയും നടിയുമായ നടാഷ സ്റ്റാൻ‌കോവിച്ചിന്‍റെയും 'കുടുംബചിത്ര൦' സമൂഹ മാധ്യമങ്ങളില്‍ വൈറലാകുന്നു. 

തന്റെ ഔദ്യോഗിക ഇന്‍സ്റ്റഗ്രാം (Instagram) അക്കൗണ്ടിലൂടെ ഹാര്‍ദിക് (Hardik Pandya)പങ്കുവച്ച ചിത്രമാണ്‌ ആരാധകര്‍ ഇരുകയ്യും നീട്ടി സ്വീകരിച്ചിരിക്കുന്നത്. 'കുടുംബം' എന്ന അടിക്കുറിപ്പോടെ പങ്കുവച്ച ചിത്രത്തില്‍ ഹാര്‍ദിക്കിന്റെ മടിയില്‍ തലവച്ച് നടാഷ(Natasha Stankovic)യെ കാണാനാകും. കൂടാതെ, ഇരുവരുടെയും മൂന്ന് നായ്ക്കുട്ടികളും ഫ്രെയിമിലുണ്ട്. 

തങ്ങളുടെ ജീവിതത്തിലേക്ക് കുഞ്ഞതിഥിയെ വരവേല്‍ക്കാന്‍ ഒരുങ്ങുന്നതായി ഇരുവരും അടുത്തിടെ അറിയിച്ചിരുന്നു. ജനുവരിയില്‍ ദുബായി(Dubai)ല്‍ വച്ചാണ് ഹാര്‍ദ്ദിക് നടാഷയോട് പ്രണയാഭ്യര്‍ത്ഥന നടത്തിയത്. അന്ന് മുതല്‍ ഇരുവരും ഒരുമിച്ചാണ് താമസം. എന്നാല്‍, ഇരുവരുടെയും വിവാഹ വാര്‍ത്തകളില്‍ സ്ഥിരീകരണം ഒന്നുമില്ല. 

സെബീരിയന്‍ മോഡലായ നടാഷ പ്രകാശ് ജായുടെ സത്യഗ്രഹാ  എന്ന ചിത്രത്തിലൂടെയാണ് ബോളിവുഡില്‍ അരങ്ങേറിയത്. 2014-15 വര്‍ഷത്തില്‍ സംപ്രേക്ഷണം ചെയ്ത ബിഗ്‌ ബോസ് 8 റിയാലിറ്റി ഷോയിലും താരം പങ്കെടുത്തിട്ടുണ്ട്. 'ഫുക്രി റിട്ടണ്‍സ്' എന്ന ചിത്രത്തിലെ 'മെഹ്ബൂബ' എന്ന ഗാനത്തിനും 'Daddy amongst various others' എന്ന ചിത്രത്തിലെ 'സിന്ദഗി മേരി ഡാന്‍സ് ഡാന്‍സ്' എന്ന ഗാനത്തിനും താരമാണ് ചുവടുകള്‍ വച്ചത്.