ഗൂഗിൾ ഹാംഗ്ഔട്ട്സ് പ്രവർത്തനം അവസാനിപ്പിക്കുന്നു; നിങ്ങളുടെ ഡാറ്റ സുരക്ഷിതമാക്കണം

ന്യൂഡൽഹി: അങ്ങിനെ ദീർഘകാലത്തിന് ശേഷം ഗൂഗിൾ തങ്ങളുടെ ഹാംഗ്ഔട്ട്സ് പ്ലാറ്റ്ഫോം സർവ്വീസ് അവസാനിപ്പിക്കുന്നു.പകരം തങ്ങളുടെ ഡിഫോൾട്ട് ചാറ്റ് ആപ്ലിക്കേഷനിലേക്ക് മാറ്റുമെന്നാണ് കമ്പനി പറയുന്നത്.നിങ്ങൾ Google Chat-ലേക്ക് മാറിയിട്ടില്ലെങ്കിൽ, 2022 നവംബർ 01-നകം നിങ്ങൾ ഗൂഗിൾ ചാറ്റിലേക്ക് മാറണം. 

ഗൂഗിൾ ചാറ്റ് ഫീച്ചർ 

ഗൂഗിൾ ചാറ്റ് ഫീച്ചർ അവതരിപ്പിച്ചത് 2020-ൽ ആണ്. അതിനുശേഷം ഗൂഗിൾ ഹാംഗ്ഔട്ടിൽ നിന്ന് ഗൂഗിൾ ചാറ്റിലേക്ക് മാറാൻ കമ്പനി ഉപയോക്താക്കളോട് സജസ്റ്റ് ചെയ്തിരുന്നു. ഇതിന് പിന്നാലെ ഗൂഗിൾ ഹാംഗ്ഔട്ടുകളെ ഒഴിവാക്കുന്നതായും കമ്പനി പ്രഖ്യാപിച്ചു. താമസിയാതെ, Hangouts-ന്റെ Android, iOS വേർഷനുകൾ പ്രവർത്തനം നിർത്തും.

നിങ്ങൾക്ക് എന്ന് വരെ ഡാറ്റ ഡൗൺലോഡ് ചെയ്യാം

2022 നവംബർ 1 വരെ Hangouts-ലേക്കുള്ള ആക്‌സസ് ലഭ്യമാകുമെന്നാണ് കമ്പനി അറിയിച്ചത്. ഇതിന് ശേഷം, ഉപയോക്താക്കളെ വെബ് ചാറ്റിലേക്ക് റീഡയറക്‌ടുചെയ്യും. 2023 ജനുവരി 1 വരെ Google Takeout വഴി ഉപയോക്താക്കൾക്ക് അവരുടെ ഡാറ്റ ഡൗൺലോഡ് ചെയ്യാം.

ഡാറ്റ ഡൗൺലോഡ് ചെയ്യാൻ

Hangouts-ൽ നിന്ന് നിങ്ങളുടെ ഡാറ്റ ഡൗൺലോഡ് ചെയ്യാൻ, ആദ്യം Google Takeout-ൽ പോയി നിങ്ങൾ Hangouts-ൽ ഉപയോഗിക്കുന്ന Google അക്കൗണ്ട് ഉപയോഗിച്ച് സൈൻ ഇൻ ചെയ്യുക. ഇവിടെ ലഭ്യമായ ആപ്പുകളിൽ Hangouts തിരഞ്ഞെടുത്ത് ബാക്കിയുള്ളവ മാറ്റുക.ഇതിനുശേഷം, നിങ്ങൾക്ക് എത്ര തവണ ബാക്കപ്പ് ഡൗൺലോഡ് ചെയ്യണമെന്ന ഓപ്ഷൻ തിരഞ്ഞെടുക്കുക.

നിങ്ങളുടെ എല്ലാ ഡാറ്റയും ഒറ്റയടിക്ക് ഡൗൺലോഡ് ചെയ്യാം. അതിനുശേഷം ഫയലിനെ തരം തിരിച്ച് എക്സ്പോർട്ട് ചെയ്യുക. ടേക്ക്ഔട്ട് പൂർത്തിയാകുമ്പോൾ നിങ്ങൾക്ക് ഒരു ഇമെയിൽ ലഭിക്കും. അതിൽ നിങ്ങളുടെ ചാറ്റ് ഫയൽ ഉണ്ടാകും. ഡാറ്റ സുരക്ഷിതമായി സൂക്ഷിക്കാൻ ഈ ഫയൽ ഡൗൺലോഡ് ചെയ്യുക.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

ios Link - https://apple.co/3hEw2hy