Instagram Reels വീഡിയോ ദൈർഘ്യം വർധിപ്പിച്ചു, ഇനി 60 സക്കൻഡ് വരെയുള്ള വീഡിയോ പങ്കുവെയ്ക്കാം

New Delhi : ഫേസ്ബുക്കിന്റെ (Facebook) ഉടമസ്ഥതയിലുള്ള  സമൂഹമാധ്യമമായ ഇൻസ്റ്റഗ്രാമിന്റെ (Instagram) പ്രമുഖ ഫീച്ചറുകളിൽ ഒന്നായ റീൽസ് (Instagram Reels Video) വീഡിയോയുടെ ദൈർഘ്യം വർധിപ്പിച്ചു. ഇനിമുതൽ റീൽസിൽ ഒരു മിനിറ്റ് വരെ ദൈർഘ്യമുള്ള വീഡിയോ പങ്കുവെക്കാൻ സാധിക്കും. ടിക്ടോകിന് (TikTok) ബദലായി അമേരിക്കൻ സോഷ്യൽ മീഡിയ ഭീമൻ 2020ൽ അവതരിപ്പിച്ച ഇൻസ്റ്റാഗ്രാം റീൽസിൽ നേരത്തെ 30 സക്കൻഡുകൾ വരെയുള്ള വീഡിയോകൾ മാത്രമെ പങ്കുവെക്കാൻ സാധിക്കാറുള്ളായിരുന്നു.

മുൻ കൂട്ടി ചിത്രീകരിച്ച് അവയെല്ലാം ചേർത്ത് 15 മുതൽ 30 സക്കൻഡുകൾ ദൈർഘ്യമുള്ള വീഡിയോ നിർമിക്കുന്ന ഫീച്ചറാണ് ഇൻസ്റ്റാഗ്രാമിന്റെ റീൽസ്. ഓപ്പൺ അക്കൗണ്ടാണങ്കിൽ ഇതിലൂടെ നിരവധി ഫോളേവേഴ്സിനെ നേടിയെടുക്കാൻ സാധിക്കും.

കൂടാതെ പുതിയ അപ്ഡേറ്റിൽ ഇനിമുതൽ 16 വയസിന് താഴെയുള്ള കുട്ടികളുടെ ഇൻസ്റ്റാഗ്രാം അക്കൗണ്ട് പ്രൈവറ്റ് അക്കൗണ്ടാക്കുമെന്ന് ഫേസ്ബുക്ക് അറിയിച്ചു. നിലവിൽ 16 വയസിന് താഴെയുള്ളവർ പബ്ലക് അക്കൗണ്ടാണ് ഉപയോഗിക്കുന്നെങ്കിൽ അവർക്ക് ഇത് സംബന്ധിച്ച് വിവരങ്ങൾ നൽകുമെന്നും എങ്ങനെ സ്വാകാര്യത സെറ്റിങ്സ് മാറ്റണമെന്നും അറിയിക്കുമെന്ന് ഇൻസ്റ്റാഗ്രാം അറിയിച്ചു.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE Hindustan App. ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA

ios Link - https://apple.co/3hEw2hy