പ്രധാനമന്ത്രിയ്ക്ക് പിറന്നാൾ ആശംസകൾ നേർന്ന് പുടിൻ

ന്യുഡൽഹി:  പ്രധാനമന്ത്രിയ്ക്ക് പിറന്നാൾ ആശംസകൾ നേർന്ന് റഷ്യൻ പ്രസിഡന്റ് വ്ളാഡിമർ പുടിൻ (Vladimir Putin). ഇന്ന് സപ്തതി ആഘോഷിക്കുന്ന പ്രധാനമന്ത്രിക്ക് അദ്ദേഹം എല്ലാ ആശംസകളും നേര്‍ന്നു.  ഇക്കാര്യം ഇന്ത്യയിലെ റഷ്യൻ എംബസി ട്വിറ്ററിലൂടെയാണ് അറിയിച്ചത്. 

ആശംസകൾ നേർന്നതിന് പുറമെ നയതന്ത്ര അന്താരാഷ്ട്ര വിഷയങ്ങളിൽ മുന്നോട്ടും ഒരുമിച്ച് പ്രവർത്തിക്കാൻ ആഗ്രഹിക്കുന്നതായും പുടിൻ അറിയിച്ചു.  പ്രധാനമന്ത്രിയ്ക്ക് പിറന്നാൾ ആശംസകളുമായി ഇന്ത്യയ്ക്ക് അകത്തും പുറത്തുമുള്ള നിരവധി നേതാക്കളാണ് രംഗത്തെത്തിയത്.  

നേപ്പാൾ പ്രധാനമന്ത്രി ഒലി ശർമ്മയും പ്രധാനമന്ത്രിയ്ക്ക് ആശംസകൾ നേർന്നിട്ടുണ്ട്.  ഇരുരാജ്യങ്ങളും തമ്മിലുള്ള ബന്ധം മെച്ചപ്പെടുത്തുന്നതിനായി ഒരുമിച്ച് പ്രവർത്തിക്കുമെന്നും ഒലി ശർമ്മ വ്യക്തമാക്കിയിട്ടുണ്ട്.