അയൽവാസിയെ കൊന്ന് അവരുടെ ഹൃദയം കറിവച്ച് ബന്ധുക്കൾക്ക് നൽകി, ശേഷം..
കൊലപാതകം നടത്തിയ ലോറൻസ് പോൾ ആൻഡേഴ്സനെ (Paul Anderson) അറസ്റ്റ് ചെയ്തിട്ടുണ്ട്. ഇത് കൂടാതെ മറ്റ് രണ്ട് പേരെ കൂടി ഇയാൾ കൊലപ്പെടുത്തിട്ടുണ്ട്.
ഒക്ലഹോമ: അയൽക്കാരിയുടെ വീട്ടിൽ കടന്നുകയറി അവരെ കുത്തിക്കൊലപ്പെടുത്തിയശേഷം ശരീരത്തിൽ നിന്ന് ഹൃദയം പറിച്ചെടുത്ത് ഉരുളക്കിഴങ്ങു കൂട്ടി കറി വച്ച് ബന്ധുക്കൾക്ക് നൽകി. കേൾക്കുമ്പോൾ ഇതൊരു കഥയാണോയെന്ന് തോന്നുമെങ്കിലും ഇത് നടന്ന സംഭവമാണ്.
യുഎസിലെ ഒക്ലഹോമയിലാണ് (Oklahoma) സംഭവം . കൊലപാതകം നടത്തിയ ലോറൻസ് പോൾ ആൻഡേഴ്സനെ (Paul Anderson) അറസ്റ്റ് ചെയ്തിട്ടുണ്ട്. ഇത് കൂടാതെ മറ്റ് രണ്ട് പേരെ കൂടി ഇയാൾ കൊലപ്പെടുത്തിട്ടുണ്ട്. ദീർഘകാല ക്രിമിനൽ റെക്കോർഡ് ഉള്ള ആളാണ് ആൻഡേഴ്സൻ. ലഹരിമരുന്ന് കേസിൽ (Drug Case) 2017 ൽ 20 വർഷം ശിക്ഷിക്കപ്പെട്ടെങ്കിലും പൊതുമാപ്പിന് അർഹനായി ഇയാൾ ജയിൽമോചിതനാകുകയായിരുന്നു.
Also Read: അഭയാർത്ഥികൾക്ക് covid vaccine നൽകി മാതൃകയായി Jordan
ജയിൽ മോചിതനായി ഏതാനും ആഴ്ച്ചകൾ പിന്നിട്ടപ്പോഴാണ് വീണ്ടും മൂന്നുപേരെ കൊന്നത്. അയൽക്കാരിയുടെ വീട്ടിൽ അതിക്രമിച്ച് കയറിയശേഷം അവരെ കുത്തിക്കൊന്നശേഷം അവരുടെ ശരീരത്തിൽനിന്ന് ഹൃദയം പറിച്ചെടുക്കുകയും ശേഷം ആ ഹൃദയവുമായി ബന്ധുവിന്റെ വീട്ടിലെത്തിയ ഇയാൾ ഉരുളക്കിഴങ്ങ് ചേർത്ത് ഉണ്ടാക്കിയ വിഭാവത്തിൽ ഹൃദയവും പാകം (Heart Served) ചെയ്ത് ബന്ധുവിനും ഭാര്യയ്ക്കും വിളമ്പുകയായിരുന്നു.
അതിന് ശേഷം ബന്ധുവിനെയും അവരുടെ നാലുവയസ്സുകാരി ചെറുമകളെയും ക്രൂരമായി കൊലപ്പെടുത്തി (Murder). ഇയാളുടെ ആക്രമണത്തിൽ ബന്ധുവിന്റെ ഭാര്യയ്ക്ക് ഗുരുതര പരുക്കേൽക്കുകയും അവരെ ആശുപത്രിയിൽ പ്രവേശിപ്പിക്കുകയും ചെയ്തിട്ടുണ്ട്. അന്ധവിശ്വാസത്തിന്റെ പേരിലാണ് ലോറൻസ് (Paul Anderson) ഹൃദയം പാകം ചെയ്തതെന്നാണ് പൊലീസ് കോടതിയെ അറിയിച്ചിരിക്കുന്നത്. കുറ്റകൃത്യത്തിനായി ഇയാൾ ഉപയോഗിച്ച പാചക പാത്രങ്ങളും മറ്റും പൊലീസ് കണ്ടെടുത്തിട്ടുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...