Viral Video: ഇത് വെറും മഴയല്ല... മത്സ്യമഴ; റോഡിലാകെ തുള്ളിക്കളിക്കുന്ന മീനുകൾ..!

Fish Rain Video: സാധരണ മഴപെയ്യുമ്പോൾ നമുക്ക് കാണാൻ കഴിയുന്ന കാഴ്ചകളാണ് ഇടി, മിന്നൽ പിന്നെ ഐസ് മഴ ഒക്കെ.  എന്നാൽ നിങ്ങൾ എപ്പോഴെങ്കിലും കേട്ടിട്ടുണ്ടോ മീൻ മഴയെ പറ്റി.  അതെ ആകാശത്തു നിന്നും പൊഴിഞ്ഞു വീഴുന്ന മീനുകളാണ് ഇപ്പോൾ സോഷ്യൽ മീഡിയയിലെ സംസാര വിഷയം (Viral Video).  

സംഭവം നടന്നത് അങ്ങ് ദൂരെ ഇറാനിലാണ്.  മത്സ്യ മഴ കണ്ട് ശരിക്കും ഞെട്ടിയിരിക്കുകയാണ് ഇറാനിലുള്ളവർ. വന്നു വീഴുന്നത് ചത്ത മത്സ്യമല്ല ജീവനുള്ളതാണെന്നതാണ് വീഡിയോയുടെ പ്രത്യേകത. എന്നാൽ ഈ വീഡിയോ (Viral Video) വ്യാജമാണെന്നും ചിലർ അഭിപ്രായപ്പെടുന്നുണ്ട്. പല ഇടങ്ങളിലും ഇത് സംഭവിച്ചിട്ടുണ്ട് എന്ന കേട്ടിട്ടുണ്ട്.  വീഡിയോ nstablog9ja എന്ന X അക്കൗണ്ടിലൂടെയാണ് പങ്കുവെച്ചിരിക്കുന്നത്. വീഡിയോയ്ക്ക് നിരവധി ലൈക്‌സും കമന്റ്സും കിട്ടുന്നുണ്ട്.  വീഡിയോ കാണാം...

എന്തൊക്കെ ആയാലും ഇതിന് പിന്നിൽ എന്തായിരിക്കും കാരണം എന്നായിരിക്കും നിങ്ങളും ആലോചിക്കുന്നത് അല്ലെ. എന്നാൽ ഇതൊരു പ്രതിഭാസമാണ്, കടലില്‍ നിന്ന് ടൊര്‍ണാഡോ ഉണ്ടാവുമ്പോഴാണ് ഈ പ്രതിഭാസം സംഭവിക്കുന്നതെന്നാണ് പറയുന്നത്.  ശക്തമായ ചുഴലിയില്‍ വെള്ളത്തിനൊപ്പം മീനുകളും വന്ന് അടിയുമെന്നും  സമുദ്രത്തില്‍ നിന്ന് ഇവ കരയിലേക്ക് വരുമ്പോള്‍ ആകാശത്ത് നിന്ന് മത്സ്യങ്ങള്‍ താഴേക്ക് വീഴും. ചുഴലിക്കാറ്റ് കടന്നുപോയ ശേഷമാണ് ഇത് സംഭവിക്കുന്നത് അതുകൊണ്ട് ആകാശത്ത് നിന്ന് മത്സ്യം മഴയായി പെയ്യുന്നത് പോലെ തോന്നുന്നതെന്നാണ് ശാസ്ത്രജ്ഞരും പറയുന്നത്.