SSY vs MSSC: பெண்களுக்கான இரு முத்தான திட்டங்கள்.. யாருக்கு எது அதிக பயன் தரும்?

SSY vs MSSC: தபால் அலுவலகம் நாட்டின் அனைத்து பிரிவினருக்கும் அவர்களின் தேவைகளுக்கு ஏற்ப திட்டங்களை கொண்டு வருகிறது. நாட்டின் பெண்களை தன்னம்பிக்கை கொண்டவர்களாக மாற்ற தபால் துறை பல திட்டங்களை செயல்படுத்தி வருகிறது. 2023 பட்ஜெட்டில், நிதியமைச்சர் நிர்மலா சீதாராமன் பெண்களின் தேவைக்கேற்ப மகிளா சம்மான் சேமிப்புச் சான்றிதழ் திட்டத்தைத் தொடங்கினார். இதன் பெயருக்கு ஏற்றாற்போல், இத்திட்டம் பெண்களின் தேவைக்கேற்ப சிறப்பாக வடிவமைக்கப்பட்டுள்ளது. இந்தத் திட்டத்தில் முதலீடு செய்தால் இரண்டு வருடங்களில் நல்ல லாபத்தைப் பெறலாம். இது தவிர, 10 வயது வரையிலான பெண் குழந்தைகள் சுகன்யா சம்ரித்தி யோஜனா எனப்படும் செல்வமகள் சேமிப்பு திட்டத்தில் (Saving Schemes) முதலீடு செய்து வலுவான வருமானத்தைப் பெறலாம். இரண்டு திட்டங்களும் பெண்களின் தேவைகளுக்கு ஏற்ப வடிவமைக்கப்பட்டுள்ளன. இவற்றில் முதலீடு செய்வதன் மூலம் பெண்கள் வலுவான வருமானத்தைப் பெறலாம். இரண்டு திட்டங்களின் விவரங்களையும் பற்றி இந்த பதிவில் காணலாம். 

பெண்கள் சேமிப்புச் சான்றிதழ் திட்டம் (Mahila Samman Savings Certificate )

இந்தத் திட்டத்தில் அனைத்து வயது பெண்களும் முதலீடு செய்யலாம். இதில் அதிகபட்ச முதலீட்டுத் தொகை ரூ 2 லட்சம் ஆகும். 2 ஆண்டுகளுக்கு இந்தத் திட்டத்தில் பணத்தை முதலீடு செய்வதன் மூலம் 7.50 சதவீத நிலையான வட்டி விகிதத்தின் பலனைப் பெறலாம். இந்தத் திட்டத்தின் கீழ், வருமான வரியின் 80சி பிரிவின் கீழ் டெபாசிட் செய்யப்பட்ட தொகைக்கு ரூ.1.50 லட்சம் தள்ளுபடி கிடைக்கும். 2023 டிசம்பரில் இந்தத் திட்டத்தின் கீழ் ரூ.2 லட்சத்தை முதலீடு செய்தால், முதிர்வின்போது ரூ.2,32,044 லட்சத்தைப் பெறுவீர்கள்.

சுகன்யா சம்ரித்தி யோஜனா (Sukanya Samriddhi Yojana)

மத்திய மோடி அரசு 2014ஆம் ஆண்டு சுகன்யா சம்ரித்தி யோஜனா எனப்படும் செல்வமகள் சேமிப்பு திட்டத்தைத் தொடங்கியது. குறிப்பாக பெண்களின் தேவைகளை கருத்தில் கொண்டு இந்த திட்டம் உருவாக்கப்பட்டது. இத்திட்டத்தின் கீழ், 10 வயது வரையிலான பெண் குழந்தைகளுக்கு சுகன்யா சம்ரித்தி கணக்கைத் திறந்து, ஆண்டுக்கு ரூ.250 முதல் ரூ.1.50 லட்சம் வரை முதலீடு செய்து பெரும் வருமானத்தைப் பெறலாம். பெண் குழந்தைகளின் பெயரில் நடத்தப்படும் இத்திட்டத்தின் கீழ், மகள் 18 வயதைத் தாண்டிய பிறகு டெபாசிட் தொகையில் 50 சதவீதம் வரை எடுக்கலாம். 21 வயதில் முழுத் தொகையையும் திரும்பப் பெறலாம். இந்தத் திட்டத்தில் முதலீடு செய்வதன் மூலம், உங்கள் மகளின் படிப்பு மற்றும் திருமணச் செலவுகளில் பெரிய உதவி கிடைக்கும். இந்த திட்டத்தின் கீழ், டெபாசிட் செய்யப்பட்ட தொகைக்கு 8 சதவீத வட்டி விகிதத்தை அரசாங்கம் தற்போது வழங்குகிறது.

MSSC vs SSY

மகிளா சம்மான் சேமிப்புச் சான்றிதழ் மற்றும் சுகன்யா சம்ரித்தி யோஜனா ஆகிய இரண்டு திட்டங்களும் பெண்களின் தேவைகளை மனதில் கொண்டு தொடங்கப்பட்டுள்ளன. ஆனால் எம்எஸ்எஸ்சி (MSSC) ஒரு குறுகிய கால சேமிப்புத் திட்டம் என்பது குறிப்பிடத்தக்கது. எஸ்எஸ்ஒய் (SSY) ஒரு நீண்ட கால சேமிப்பு திட்டமாகும். சுகன்யா கணக்கில் முதலீடு செய்வதன் மூலம், உங்கள் மகளின் படிப்பு மற்றும் திருமணச் செலவுகளில் பெரிய உதவி கிடைக்கும். குறுகிய காலத்தில் அதிக வருமானத்தைப் பெற, நீங்கள் MSSC கணக்கில் முதலீடு செய்யலாம்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!