Intermittent fasting Tips Tamil | உலகம் முழுவதும் இன்டர்மிட்டென்ட் விரதமுறை பாப்புலராகிவிட்டது. உடல் எடையை குறைக்கவும், கொழுப்பை குறைக்கவும் இந்த விரத முறையை அதிகம் பின்பற்றுகின்றனர். இதனால் நிறைய நன்மைகள் இருப்பதாக சொல்லப்பட்டாலும், அதே அளவுக்கு பின்விளைவுகளும் இருக்கிறது. இன்மிட்டென்ட் விரதம் என்ற இடைப்பட்ட விரதமுறை நன்மைகளை பட்டியலிடும் பலரும், அதனால் வரும் பின்விளைவுகள் அல்லது ஆபத்துகளை பெரிதாக பேசுவதில்லை என்ற குற்றச்சாட்டு இருக்கிறது. தைராய்டு, நீரிழிவு நோய் பாதிப்பு உள்ளவர்கள் எல்லாம் இந்த விரதமுறையை பின்பற்ற முடியாது. ஒருவேளை பின்பற்றினால் சிக்கல்களை கூடுதலாக எதிர்கொள்ள நேரிடும்.
இப்போது, இடைப்பட்ட விரத முறை குறித்து சீன பல்கலைக்கழகம் ஆய்வு ஒன்றை நடத்தி வெளியிட்டுள்ளது. ஆம், இடைப்பட்ட விரதமுறை சில ஆரோக்கிய நன்மைகளை வழங்குவதோடு, உங்கள் தலைமுடியில் மோசமான விளைவையும் ஏற்படுத்தலாம். இடைவிடாத உண்ணாவிரதம் தலையில் முடி வளர்ச்சியை பாதிக்கும் மற்றும் முடி உதிர்தலுக்கு வழிவகுக்கும் என்று சமீபத்திய சீன ஆய்வு அதிர்ச்சியளிக்கிறது. இந்த ஆய்வை சீனாவின் ஜெஜியாங் பல்கலைக்கழக ஆராய்ச்சியாளர்கள் மேற்கொண்டனர், அதில் இடைப்பட்ட உண்ணாவிரதம் எலிகளின் முடி வளர்ச்சியை மெதுவாக்குகிறது என்று கண்டறியப்பட்டது. ஆராய்ச்சியாளர்களின் கூற்றுப்படி, உடலில் உள்ள ஆக்ஸிஜனேற்ற அழுத்தத்தின் காரணமாக இந்த செயல்முறை ஏற்படுகிறது, இது மயிர்க்கால்களின் ஸ்டெம் செல்களை (HFSCs) மோசமாக பாதிக்கிறது என்பது கண்டுபிடிக்கப்பட்டுள்ளது.
எலிகளில் சிலவற்றுக்கு சில நாட்கள் இடைப்பட்ட உண்ணாவிரதம் கடைபிடித்துள்ளனர். உண்ணாவிரதம் இருந்த எலிகளை சாதாரண உணவு உண்ணும் எலிகளுடன் ஒப்பிடுகையில், அவற்றின் முடியின் வளர்ச்சி மெதுவாக மாறியதை ஆய்வில் கண்டறியப்பட்டுள்ளது. இன்டர்மிட்டென்ட் உண்ணாவிரதத்தைத் தொடர்ந்து வந்த எலிகள் 96 நாட்களில் முடியை முழுமையாக மீண்டும் வளர்க்கவில்லை, அதே சமயம் சாதாரண உணவைக் கொண்ட எலிகள் 30 நாட்களில் தலைமுடியை மீண்டும் வளர்த்தன.
மேலும் படிக்க | Lungs Detox: நுரையீரலில் சேரும் நச்சுக்களை இயற்கையாக நீக்க உதவும்... சில பழக்கங்கள்
மனிதர்கள் மீது இந்த ஆய்வின் விளைவை அறிய, 49 ஆரோக்கியமான பெரியவர்களிடமும் ஒரு ஆரம்ப சோதனை நடத்தப்பட்டது. இந்த சோதனையில், 18 மணி நேரம் உண்ணாவிரதம் இருந்த பங்கேற்பாளர்கள் முடி வளர்ச்சியின் வேகத்தில் 18 சதவிகிதம் குறைவதைக் காட்டினர். இந்த விளைவு எலிகளை விட குறைவாக இருந்தாலும், இடைப்பட்ட உண்ணாவிரதம் மனிதர்களிடமும் தாக்கத்தை ஏற்படுத்தக்கூடும் என்பதை இந்த முடிவுகள் சுட்டிக்காட்டுகின்றன.
The South First இன் அறிக்கையின்படி, இந்த ஆய்வுக்குப் பிறகு, இந்திய தோல் மருத்துவர்களும் இந்த விஷயத்தில் தங்கள் கருத்தைத் தெரிவிக்கின்றனர். பிரபல தோல் மருத்துவரான டாக்டர் அபிராம் ராயப்பட்டி கூறுகையில், நீண்ட நேரம் உண்ணாவிரதம் இருப்பதனால், 'டெலோஜென் எஃப்ளூவியம்' (telogen effluvium) எனப்படும் திடீர் மற்றும் அதிகப்படியான முடி உதிர்வு ஏற்படும் என தெரிவித்துள்ளார்.
(பொறுப்பு துறப்பு : எங்கள் செய்திகளைப் படித்ததற்கு நன்றி. இந்தச் செய்தி உங்களுக்குத் தெரியப்படுத்துவதற்காக மட்டுமே எழுதப்பட்டுள்ளது. இதை எழுதுவதில் பொதுவான தகவல்களின் உதவியை எடுத்துள்ளோம். உங்கள் உடல்நலம் தொடர்பான எதையும் நீங்கள் எங்கும் படித்தால், அதை ஏற்றுக்கொள்ளும் முன் கண்டிப்பாக மருத்துவரை அணுகவும்.)
மேலும் படிக்க | மலச்சிக்கல் பாடாய்படுகிறதா? வயிற்றை சுத்தம் செய்ய எளிமையான டிப்ஸ்....!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
