ஓய்வூதியதாரர்களுக்கு ஜாக்பாட்: CPPS புதிய ஓய்வூதிய முறை.... அரசின் பரிசு, இனி அதிக வசதிகள் கிடைக்கும்

EPS Pension: பிஎஃப் உறுப்பினரா நீங்கள்? அப்படியென்றால் இந்த செய்தி உங்களுக்கு மிக உதவியாக இருக்கும். சமீபத்தில் ஓய்வூதிய வழங்கலுக்கான மையப்படுத்தப்பட்ட ஓய்வூதியக் கொடுப்பனவு முறை (CPPS) அறிமுகம் செய்யப்பட்டது. இது அடுத்த ஆண்டு ஜனவரி 1 முதல் செயல்படுத்தப்படும். தாற்போது இதில் ஒரு முக்கிய அப்டேட் வந்துள்ளது. அதை பற்றி இந்த பதிவில் காணலாம்.

மையப்படுத்தப்பட்ட ஓய்வூதியக் கொடுப்பனவு முறைக்கான (CPPS) சோதனை ஓட்டம் நடைபெற்றது. இதன் கீழ், அக்டோபர் மாதம் ஜம்மு, ஸ்ரீநகர் மற்றும் கர்னால் பகுதிகளில் 49000 இபிஎஸ் ஓய்வூதியதாரர்களுக்கு (EPF Pensioners) சுமார் 11 கோடி ரூபாய் ஓய்வூதியமாக வழங்கப்பட்டது. இந்தத் தகவலை தொழிலாளர் மற்றும் வேலைவாய்ப்பு அமைச்சர் மன்சுக் மாண்டவியா வெள்ளிக்கிழமை தெரிவித்தார். 

Centralised Pension Payments System 

தற்போது, ​​EPFO ​​இன் ஒவ்வொரு மண்டல அல்லது பிராந்திய அலுவலகமும் 3-4 வங்கிகளுடன் மட்டுமே ஒப்பந்தம் செய்து கொண்டுள்ளன. இதன் கீழ், ஓய்வூதிய வழங்கலுக்கான பணிகள் அந்த வங்கிகள் மூலமாக செய்யப்படுகின்றன. CPPS செயல்படுத்தப்பட்ட பின்னர், ஓய்வூதியதாரர் ஒரு நகரத்திலிருந்து மற்றொரு நகரத்திற்குச் சென்றாலும், அல்லது வங்கி அல்லது கிளையை மாற்றினாலும், PPO எனப்படும் ஓய்வூதியம் செலுத்தும் உத்தரவை (Pension Payment Order) மாற்ற வேண்டிய அவசியம் இருக்காது. மேலும் நாடு முழுவதும் உள்ள எந்த வங்கிக் கிளையிலிருந்தும் ஓய்வூதியதாரர்களுக்கு ஓய்வூதியம் கிடைக்கும்.

ஓய்வூதியதாரர்களுக்கு பெரிய நிவாரணம்

பல ஊழியர்கள் பணி ஓய்வுக்குப் பிறகு தங்கள் சொந்த ஊருக்கு திரும்பிச் செல்கிறார்கள். அப்படிப்பட்ட ஓய்வூதியதாரர்களுக்கு இது ஒரு பெரிய நிவாரணமாக இருக்கும். EPFO இன் தற்போதைய தகவல் தொழில்நுட்ப நவீனமயமாக்கல் திட்டமான மையப்படுத்தப்பட்ட தகவல் தொழில்நுட்ப சாதனத்தின் (CITES 2.01) ஒரு பகுதியாக இந்த வசதி ஜனவரி 1, 2025 முதல் தொடங்கப்படும். அடுத்த கட்டத்தில், CPPS ஆனது ABPS, அதாவது, ஆதார் அடிப்படையிலான கட்டண முறைக்கு (Aadhaar-Based Payment System) இந்த மாற்றத்தைக் கொண்டுவரும்.

“CPPS, EPFO ​​இன் நவீனமயமாக்கலில் ஒரு குறிப்பிடத்தக்க மைல்கல்லைக் குறிக்கிறது. ஓய்வூதியம் பெறுவோர் (Pensioners) தங்கள் ஓய்வூதியத்தை நாட்டில் எந்த வங்கியிலும், எந்த கிளையிலும், எங்கும் பெற வழிவகுப்பதன் மூலம், ஓய்வூதியம் பெறுவோர் எதிர்கொள்ளும் நீண்டகால சவால்களை நிவர்த்தி செய்து, தடையற்ற மற்றும் திறமையான முறையில் ஓய்வூதிய வழங்கலை இது உறுதி செய்கிறது,” என்று தொழிலாளர் மற்றும் வேலைவாய்ப்பு அமைச்சர் மன்சுக் மாண்டவியா கூறினார்.

"EPFO ஐ மிகவும் வலுவான, அணுகக்கூடிய மற்றும் தொழில்நுட்பம் சார்ந்த அமைப்பாக மாற்றுவதற்கான எங்கள் தொடர்ச்சியான முயற்சிகளில் இது ஒரு முக்கியமான படியாகும். இபிஎஃப் உறுப்பினர்கள் (EPF Members) மற்றும் ஓய்வூதியதாரர்களின் தேவைகளை சிறப்பாக நிறைவேற்ற இபிஎஃப்ஓ உறுதிபூண்டுள்ளது." என்று அமைச்சர் தெரிவித்தார்.

CPPS: தற்போதுள்ள ஓய்வூதிய விநியோக செயல்முறையிலிருந்து குறிப்பிடத்தக்க மாற்றம்

- புதிய முறையானது தற்போதுள்ள ஓய்வூதிய விநியோக செயல்முறையிலிருந்து குறிப்பிடத்தக்க மாற்றத்தைக் கொண்டிருக்கும். 
- தற்போதைய முறையில் EPFO ​​இன் அனைத்து பிராந்திய/பிராந்திய அலுவலகங்களும் மூன்று-நான்கு வங்கிகளுடன் மட்டுமே தனித்தனி ஒப்பந்தங்களை மேற்கொள்ள வேண்டியிருந்தது. 
- ஆனால், இது CPPS முறையில் மாறியுள்ளது.
- ஓய்வூதியம் பெறுபவர்கள் ஓய்வூதியம் தொடங்கும் நேரத்தில் சரிபார்ப்பு செயல்முறைகளுக்காக வங்கிக் கிளைகளுக்குச் செல்ல வேண்டிய அவசியமில்லை.
- ஓய்வூதியம் வழங்கப்பட்டவுடன் அது உடனடியாக ஓய்வூதியதாரர்களின் கணக்கில் பணம் வரவு வைக்கப்படும் என்றும் தெரிவிக்கப்பட்டுள்ளது.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!