FD Rates: வருடத்துக்கு 7.60% வட்டி தரும் Bob 360 ! மிக அதிக வருவாய் தரும் வைப்புத் திட்டம்!

நீங்கள் கடினமாக உழைத்து சம்பாதித்த பணத்தை சேமிப்பதற்கான சிறந்த வழிகளில் ஒன்று நிலையான வைப்புகளில் முதலீடு செய்வது பாதுகாப்பானது, ஏனென்றால், நீங்கள் உத்தரவாதமான வருமானத்தைப் பெற முடியும்.

நிலையான வைப்புகளில் (FDs) முதலீடு செய்வது, உத்திரவாதமான வருமானத்தை உறுதி செய்யும் வைப்புத்தொகைகள், கடினமாக சம்பாதித்த பணத்தைப் பாதுகாப்பதற்கான பாதுகாப்பான வழிகளில் ஒன்றாகக் கருதப்படுகிறது. அதிக வட்டி கொடுப்பதன் முக்கியத்துவத்தை உணர்ந்த பொதுத்துறை வங்கியான பாங்க் ஆப் பரோடா சமீபத்தில் Bob 360 என்ற சிறப்பு FD திட்டத்தை அறிமுகப்படுத்தியுள்ளது.

ஜனவரி 15 ஆம் தேதி தொடங்கப்பட்ட இந்த Bob 360 டெபாசிட் திட்டம் ஒரு குறுகிய கால சில்லறை டெபாசிட் திட்டம் ஆகும், இது  360 நாட்களுக்கு மேல் வைக்கும் வைப்புத்தொகைகளுக்கு மூத்த குடிமக்களுக்கு7.60% வரை வருடாந்திர வட்டி விகிதத்தையும், பொது மக்களுக்கு 7.10% வரையும் வட்டி வழங்குகிறது.

வைப்புத்தொகை வரம்பு

ரூ.2 கோடிக்கும் குறைவான சில்லறை டெபாசிட்டுகளுக்கும் இது பொருந்தும், அதாவது குறைந்தபட்ச முதலீடு ரூ.1,000 மற்றும் அதிகபட்ச வரம்பு ரூ.2 கோடி.

Bob 360 வைப்புத்தொகை திட்டம்

குறுகிய கால சில்லறை டெபாசிட்டுகளில் வங்கியின் பங்கை மேம்படுத்துவதும், வைப்புச் செலவை திறம்பட நிர்வகிப்பதும் தான் இந்தத் திட்டத்தை அறிமுகப்படுத்துவதற்கான முதன்மையான குறிக்கோள், என்று பாங்க் ஆஃப் பரோடாவின் செயல் இயக்குநர் ஜாய்தீப் தட்டோ ராய் கூறுகிறார். பாங்க் ஆஃப் பரோடாவின் தற்போதைய மற்றும் புதிய வாடிக்கையாளர்கள் நாடு முழுவதும் உள்ள எந்த கிளையிலும் முதன்மையான குறிக்கோள்,Bob 360 திட்டத்தைப் பெறலாம்.

கூடுதலாக, வாடிக்கையாளர்கள் வங்கியின் நெட் பேங்கிங் வசதி மூலம் ஆன்லைனில் FD கணக்கைத் திறக்கும் வசதியும் உள்ளது, அத்துடன் வாடிக்கையாளர்கள் மொபைல் அப்ளிகேஷன் மூலமாகவும் இந்தத் திட்டத்தில் கணக்குத் தொடங்கலாம்.  

பொது வாடிக்கையாளர்களுக்கு, பேங்க் ஆஃப் பரோடா, காலத்தின் அடிப்படையில் நிலையான வைப்புகளுக்கு பல்வேறு வட்டி விகிதங்களை வழங்குகிறது.

7 நாட்கள் முதல் 14 நாட்கள் வரை - 4.25%

15 நாட்கள் முதல் 45 நாட்கள் வரை - 4.50%

46 நாட்கள் முதல் 90 நாட்கள் வரை - 5.50%

91 நாட்கள் முதல் 180 நாட்கள் வரை - 5.60%

181 நாட்கள் முதல் 210 நாட்கள் வரை - 5.75%

211 நாட்கள் முதல் 270 நாட்கள் வரை - 6.15%

271 நாட்கள் மற்றும் அதற்கு மேல் மற்றும் 1 வருடத்திற்கும் குறைவானது - 6.25%

1 ஆண்டு - 6.85%

1 வருடம் முதல் 400 நாட்களுக்கு மேல் - 6.75%

400 நாட்களுக்கு மேல் மற்றும் 2 ஆண்டுகள் வரை - 6.75%

2 ஆண்டுகள் முதல் 3 ஆண்டுகள் வரை மற்றும் 5 ஆண்டுகள் வரை - 7.25%

3 ஆண்டுகளுக்கு மேல் மற்றும் 5 ஆண்டுகள் வரை - 6.50%

5 ஆண்டுகள் முதல் 10 ஆண்டுகள் வரை - 6.50%

10 ஆண்டுகளுக்கு மேல் (கோர்ட் ஆர்டர் திட்டம்) - 6.25%

399 நாட்கள் (பரோடா டிரிகோலர் பிளஸ் டெபாசிட் திட்டம்) - 7.16%

பேங்க் ஆஃப் பரோடாவின் இந்த திட்டங்கள், முதலீட்டாளர்களுக்கு நல்ல வாய்ப்பை வழங்குகிறது, இது கவர்ச்சிகரமான மற்றும் பாதுகாப்பான நிதி தீர்வுகளை வழங்குவதில் வங்கியின் உறுதிப்பாட்டை வலுப்படுத்துகிறது.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!