சர்வதேச சந்தையில் வீழ்ச்சி கண்ட தங்கத்தின் விலை; இந்தியாவிலும் பிரதிபலிப்பு...

உலக சந்தைகளில் பலவீனமான போக்குக்கு மத்தியில் தேசிய தலைநகரில் ஸ்பாட் புல்லியன் சந்தையில் தங்கத்தின் விலை (Gold rate today) வெள்ளிக்கிழமை 10 கிராமுக்கு ரூ.20 குறைந்து ரூ.47,268-ஆக குறைந்துள்ளது. HDFC செக்யூரிட்டீஸ் படி, தங்கம் முன்பு 10 கிராமுக்கு ரூ.47,288-ஆக இருந்தது. 

இருப்பினும், வெள்ளி (Silver rate today) வீதம் இன்று கிலோ ஒன்றுக்கு ரூ.54 உயர்ந்து ரூ.49,584-ஆக அதிகரித்துள்ளது. வியாழக்கிழமை தகவல்கள் படி வெள்ளி ஒரு கிலோவுக்கு ரூ.49,530-ஆக இருந்தது.

இதுகுறித்து HDFC செக்யூரிட்டீஸ் மூத்த ஆய்வாளர் (பொருட்கள்) தபன் படேல் கூறுகையில், சர்வதேச தங்கத்தின் விலையில் பலவீனம் இருப்பதால், டெல்லியில் 24 காரட் தங்கத்தின் ஸ்பாட் விலை ரூ.20 குறைந்துள்ளது.

சர்வதேச சந்தையில், தங்கம் ஒரு அவுன்ஸ் இழப்பை சந்தித்து 1,709 டாலராக குறைந்தது. அதே நேரத்தில் வெள்ளி ஒரு அவுன்ஸ் 17.68 டாலராக மாற்றம் காணாமல் இருந்தது. பொருளாதார மீட்சி குறித்த எதிர்பார்ப்புகளின் அதிகரிப்புடன், பங்குச் சந்தையின் விலைகள் கடுமையாக வீழ்ச்சியடைந்ததாக படேல் கூறினார்.

புதன்கிழமை தங்கம் 10 கிராமுக்கு ரூ.47,459 ஆக இருந்தது. வெள்ளியும் ஒரு கிலோவுக்கு ரூ.49,558-ஆக முடிவடைந்தது, இந்த மாற்றம் 542 ரூபாய் இழப்பைக் குறிக்கிறது. முந்தைய அமர்வில் வெள்ளி கிலோவுக்கு ரூ.50,100-ஆக இருந்தது.

தபன் படேல் கருத்துப்படி, டெல்லியில் 24 காரட் தங்கத்தின் விலை ரூ .274 குறைந்துள்ளது, இது நேற்றிரவு உலக சந்தையில் தங்கம் வீழ்ச்சியடைந்ததை பிரதிபலிக்கிறது. பூட்டுதலின் தளர்வுடன் இந்தியாவில் சில்லறை தங்க நகை கடைகள் படிப்படியாக திறக்கப்படுகின்றன. சர்வதேச சந்தையில், தங்கத்தின் விலை அவுன்ஸ் 1,704 டாலராக உயர்ந்தது, வெள்ளி கிட்டத்தட்ட மாறாமல் 17.62-ஆக நீடிக்கிறது என குறிப்பிட்டுள்ளார்.